FOZ.- O vindeiro sábado 24 de xaneiro, a xunta directiva da Asociación de Veciños “O Castro” de Foz manterá unha reunión cos presidentes dos grupos de traballo do PXOM do casco urbano. O motivo desta xuntanza non é outro que coñecer de primeira man o estado dos traballos realizados por estes grupos a fin de determinar as liñas de actuación con respecto ó Plan Xeral de Ordenación Municipal do concello de Foz. Dado que “O Castro” ten como ámbito de actuación ós veciños do casco urbano da vila, os grupos de traballo convocados son os do Centro, O Campo, A Isla, Torres-Llas e Vilaxoane. Dita reunión terá lugar no local social de “O Castro” ás 10h30.