RIBADEO .- O alcalde de Ribadeo, Fernando Suárez e o concelleiro de Medio Ambiente, Horacio Cupeiro asistiron ao I Encontro de Núcleos Piloto de Sostibilidade de Galicia que se celebrou en Santiago. O rexedor lembrou que o acordo adoptado en pleno por unanimidade hai uns meses permitiu que “Ribadeo fose escollida coma un dos cinco concellos galegos que entraron nesta nova remesa de núcleos sostibles. Trátase dunha iniciativa que desenvolve a Consellería de Medio Ambiente na que vai seleccionando a unha serie de concellos e nós agora estamos entre eles xunto con Oza dos Ríos, Curtis, Carballiño e Lalín, sendo Ribadeo o único concello da provincia de Lugo que entrou neste programa piloto de cara a facer actividades de sustentabilidade e que poñan en valor o noso medio ambiente”.
Máis de 200.000 euros
Ribadeo recibirá coma núcleo sostible de Galicia importantes partidas económicas ao longo dos vindeiros anos. Neste 2008 a cifra que percibirá será de 28.000 euros, 85.000 serán os que reciba o Concello no ano 2009 e 90.000 no 2010. Con cargo a estes orzamentos o Concello “instalará paneis solares na piscina municipal, o que suporá un aforro enerxético importante e ao mesmo tempo daremos exemplo do que as enerxías renovables poden ter de positivo”, explica Fernando Suárez. O rexedor engade que “se van facer actividades de reciclaxe a través de composteiros que instalaremos en varios puntos da vila para que os veciños participen desta experiencia sobre a compostaxe. Tamén levaremos adiante campañas de aforro no consumo de auga e de enerxía… de feito xa imos adoptar medidas no ámbito do alumeado público tal e como anunciábamos hai uns días”.
Suárez Barcia anuncia “a creación dunha axencia local de sustentabilidade e imos avanzar na execución das Axendas 21 tanto local coma escolar”. O alcalde felicita “a todos grupos políticos do Concello que co seu apoio unánime fixeron posible que participásemos nesta iniciativa e que fose seleccionado Ribadeo coma concello piloto deste tipo de desenvolvemento sostible e agora ao goberno tócanos a responsabilidade de desenvolver estas iniciativas para que o noso concello sexa un espello no que outros poidan mirarse. Este programa lonxe de ser traba é unha oportunidade de traballo e unha fonte de riqueza.
Ribadeo contará cunha axencia da sustentabilidade e instalará paneis solares na piscina
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Arrincou en Ribadeo o ciclo de charlas da FCAM sobre o futuro laboral na Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
