REFERENCIA ROLDA DE PRENSA
Os populares temen que o Pacto Territorial do Emprego sexa un instrumento fracasado no obxectivo de crear máis postos de traballo de converterse nun chiringuito ao servizo do PSOE
O PPdeG DEMANDARÁ EXPLICACIÓNS A RICARDO VARELA POLAS CONTRATACIÓNS FEITAS NO PACTO TERRITORIAL DE EMPREGO DA MARIÑA
* José Manuel Balseiro considera que o PSOE podería estar empregado cartos públicos para a contratación “de amigos e persoas afíns”.
* González Barcia pídelle a Remédios López que dimita..
Cervo, 30 de decembro de 2008.- O Partido Popular de Galicia (PPdeG) considera que a contratación da concelleira socialista de Burela Remedios López feita ao abeiro do Pacto Territorial de Emprego da Mariña, demostra que os socialistas, co beneplácito do BNG, poderían estar a empregar os cartos públicos, procedentes dos petos de todos os galegos, para pagar favores políticos e para a contratación de amigos, xerando postos de traballo só para as persoas afíns.
Nesta liña se manifestou Jose Manuel Balseiro, parlamentario do Grupo Popular e Secretario Provincial desta formación política en Lugo, que compareceu hoxe en rolda de prensa xunto co portavoz popular no Concello de Burela, José María González Barcia e outros edís populares de Burela.
Segundo adiantou Balseiro, o PPdeG reclamará a comparecencia de Ricardo Varela, conselleiro de Traballo e vicesecretario xeral dos socialistas galegos, no Parlamento, para que explique este proceso de contratación que podería ser totalmente fraudulento e que, cando menos, carece de toda ética e moralidade. De xeito especial, o parlamentario popular interesouse pola influencia que o Alcalde de Burela podería ter no desenvolvemento final do proceso de selección e, máis en concreto, reclamou coñecer cada un dos datos e baremos empregados “para verificar, con luz e taquígrafos se cumpriron os principios de mérito e capacidade que, como é lóxico e legal, deben inspirar toda contratación pública”.
Ao mesmo tempo, cuestionou o feito de que Alfredo Llano, compañeiro de partido dunha das candidatas hoxe seleccionadas, xefe do equipo de Goberno municipal do que Remedios López forma parte e Alcalde de Burela, debera terse inhibido neste proceso de selección.
CONTRATACIÓN MANILLADA
Pola súa banda, o portavoz popular burelés José María González Barcia considera que o alcalde de Burela actuou con total falla de transparencia; Barcia preguntouse se a decisión de contratar a Remédios López estaba xa manillada, porque lembrou que en varios procesos de selección de persoal do concello de Burela as respostas ós exames eran coñecidos de antemán por algúns aspirantes, polo que non sería de extrañar que no caso de Remedios López acontecese o mesmo.
Barcia considera que se o alcalde e López xa consentiron estas practicas con anterioridade, polo que probablemente non terían moitos escrúpulos en repetilas en proveito de Remedios López. O voceiro dos populares bureleses reclamou finalmente que a concelleira socialista dimita dos seus cargos “sen máis dilación”
ANTECEDENTES
Por outra banda, os populares insistiron nas súas intervencións na importancia de que dispoñer do carné do Partido Socialista non é razón suficiente para ter un trato de favor respecto do resto das persoas que optan a lograr un traballo na administración pública. De feito lembraron que este tipo de situación xa aconteceu na nosa comarca e ofreceron varios exemplos: a impugnación por parte dos Tribunais de Xustiza da concesión dunha praza en comisión de servizos na Delegación Territorial de Pesca ao voceiro do grupo municipal socialista do Vicedo, así como tamén o cese do anterior Delegado Territorial de Pesca tras o envío de currículos de persoas privilexiadas ás empresas do sector pesqueiro que operaban coa administración ou eran susceptibles de recibir axudas da mesma e, finalmente, no referente ao comportamento do titular do departamento autonómico de Traballo, máximo dirixente dos Pactos Territoriais polo Emprego, a contratación presuntamente fraudulenta dunha axente electoral do PSOE con cargo a fondos públicos.
CHIRINGUITO AO SERVIZO DO PSOE
Finalmente, o deputado popular lamentou que o Pacto Territorial polo Emprego na Mariña lucense poida fracasar de converterse nun INEM para os do PSOE. Nesa liña subliñou que de ser así, constituiría todo unha afrenta para os máis de 3.467 desempregados que na Mariña están na procura dun posto de traballo e que observan como as políticas desenvolvidas pola Xunta e polo Goberno central son todo un fracaso, incapaces de xerar un só emprego.
Finalmente formulou a seguinte pregunta “¿Cabe a probabilidade de que a contratación de cargos públicos socialistas no pacto territorial polo emprego sexa unha nova fórmula de colocar persoas de confianza en este tipo de chiringuitos para actuar como axentes electorais? Isto é unha dúbida que moitos temos e que lanzamos á opinión pública.”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
