Nota de Prensa
Balseiro recorda que o BNG tamén é responsable das carencias dos medios de salvamento marítimo porque votou en contra de duplicar as triupulacións dos helicópteros e dos barcos de gran porte, pero tamén rexeitou a creación dunha comision de seguridade marítima e impediu que representantes do Sepla e os patróns que participaron no rescate do Cordero pudiesen comparecer no Parlamento
O OPERATIVO DE RESCATE AÉREO DO ROSAMAR INCUMPRIU O CONTRATO QUE REXE AS TAREFAS DOS HELICÓPTEROS DE SALVAMENTO MARÍTIMO
* A radiobaliza saltou ás 08,45 horas do venres, pero o Pesca II non partiu de Alvedro ata as 10,00 horas, a pesar de que que o contrato sinala que o tempo de resposta para esa aeronave será dun máximo de 10 minutos de entre as 09,00 e as 14,00 horas
* Os datos revelan que a conselleira de Pesca minte cando sinala que se cumpriron todos os tempos
Santiago, 11 de decembro de 2008.- O portavoz de Pesca do Grupo Popular, José Manuel Balseiro, afirmou hoxe que a conselleira do ramo minte ou está mal informada cando afirma que na operación de rescate do Rosamar se cumpriron todos os tempos estipulados para ese tipo de misións.
O contrato asinado entre a Xunta e a empresa que opera os helicópteros do Gardacostas de Galicia sinala que o Pesca II, con base en Celeiro, debe garantir un tempo de resposta de 10 minutos, contados partir do momento no que se activa unha alarma, se o incidente se produce entre as 09,00 e as 14,00 horas, período no que a tripulación permanece na propia base. O resto do tempo, de 14,00 a 09,00 horas, o tempo de resposta será dun máximo de 30 minutos, dado que a tripulación permanece de garda localizada, por falta do persoal necesario para garantir a presenza permanente na base durante as 24,000 horas.
Así as cousas, José Manuel Balseiro conclúe que tales tempos de resposta non se cumpriron o pasado venres, dado que a radiobaliza do Rosamar saltou contra as 08,45 horas, pero o Pesca II non saiu do Aeroporto de Alvedro (a onde fora desprazado para substituír ao Helimer Galicia) ata arredor das 10,00 horas.
CONSELLEIRA DESAUTORIZADA
O PPdeG entende que os datos desautorizan as declaracións da conselleira de Pesca, que ou ben minte ou está mal informada sobre o funcionamento dos dispositivos de búsqueda e salvamento marítimo de titularidade autonómica.
TEMPOS DE RESPOSTA DOS HELICÓPTEROS DE SALVAMENTO MARÍTIMO SEGUNDO OS CONTRATOS EN VIGOR
* Helimer Galicia, con base en Alvedro.
Tempo de resposta: 10 minutos. (Tripulación de garda física na base as 24,00 horas)
* Pesca II, con base en Celeiro
Tempo de resposta:
o De 09,00 a 14,00 horas: 10 minutos (presenza na base)
o De 14,00 a 09,00 horas: 30 minutos (garda localizada)
O BNG É IGUAL DE RESPONSABLE QUE CARMEN GALLEGO
Nunha rolda de prensa celebrada este mediodía no Parlamento, Balseiro tamén cuestionou a actitude farisaica que está a manter o BNG en relación co sinistro do Rosamar e recordou que os deputados nacionalistas votaron, canda os do PSOE, en contra de propostas nas que o PPdeG recamaba duplicar as tripulacións dos helicópteros Pesca I e Pesca II, para incrementar a súa operatividade e capacidade de resposta.
Os nacionalistas tamén rexeitaron incrementar as tripulacións dos buques de maior porte do Gardacostas de Galicia para garantir a realización de gardas de presenza física en porto para garantir unha reacción inmediata ante calquera incidencia que poda presentarse no mar. E o BNG rexeitou, cos seus votos, a creación dunha comisión de seguridade marítima no Parlamento de Galicia, do mesmo xeito que se opuxo a que comparecesen na Cámara os patróns dos pesqueiros que participaron nas labores de rastrexo dos náufragos do Cordero, no pasado mes de xaneiro. Tampouco permitiron a comparecencia de representantes do Sepla, que denuncian as reiteradas carencias do servizo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
