XOVE .- O grupo TEATRO ARDORA de Cervo abre o martes 30 a primeira das catro actuacións teatrais previstas dentro do programa de Nadal en Xove. ARDORA poñerá en escena a obra “Dende o Porto a San Ciprián” no Salón de Actos do Centro Cívico de Xove as oito da tarde. “Dende o Porto a San Ciprián” é unha comedia escrita por Francisco Piñeiro, dirixida por María Paz Rodríguez Silva e interpretada por María Paz Rodríguez, Clara Rey, Luísa Caramés, Josefa Núñez, Mª José López, Lidia Pernas e Adela López.
Nota de Prensa
TEATRO ARDORA DE CERVO, MAÑÁ EN XOVE
Mañá, martes, 30 de decembro, ás 20:00 horas (8 da tarde), TEATRO ARDORA coa obra “Dende o Porto a San Ciprián” vai abrir no Salón de Actos do Centro Cívico de Xove a primeira das catro actuacións teatrais previstas dentro do Programa deste Nadal 2008-2009; das catro representacións, 2 son de teatro amateur e outras 2 de teatro infantil. Esta primeira actuación corresponde a teatro amateur.
A OBRA
Nos tempos que corren, onde a globalización segue coa teima de medirnos a todos polo mesmo patrón cómpre buscar unha denominación de orixe, un sinal de distinción que avale a nosa singulariedade e identidade.
Por moi lonxe que os avatares da vida nos separen o primeiro recurso ó que sempre recurrimos é ó lugar onde nacemos porque o levamos dentro. Deste xeito nos decatamos da beleza que temos e de que o sinxelo se o aprezamos pode chegar a ser sublime. Pero non sempre ocorre así. Agora está de moda desprezar o da nosa casa e darlle valor ó de fóra.
Dende “O Porto a San Ciprián” é unha comedia escrita por Francisco Piñeiro e dirixida por María Paz Rodríguez Silva coa que pretendemos divertirnos mentres reflexionamos sobor dese fabuloso futuro prometido polo actual progreso acelerado que non apreza o valor do noso pasado.
REPARTO
Sabela…………………………………………….. Mª Paz Rodríguez
Maruxa…………………………………………… Clara Rey
Jenniffer………………………………………….. Luisa Caramés
Silvina…………………………………………….. Josefa Núñez
Lucila…………………………………………….. Mª José López
Felisa……………………………………………… Lidia Pernas
Cándida…………………………………………… Adela López
As actuacións teatrais van continuar xa o vindeiro ano con arranso ao seguinte Programa:
-VENRES, 2 DE XANEIRO: TITERES TRES GLOBOS coa obra “PEDRO E O LOBO”, teatro infantil.
-SÁBADO, 3 DE XANEIRO: OBRADOIRO DE TEATRO AFECCIONADO DE BRAVOS coa obra “OS APUROS DUN ZAPATEIRO”, teatro amateur.
-DOMINGO, 4 DE XANEIRO : TITERES TRES GLOBOS (609 836 170) -“O SAPO ENCANTADO”, teatro infantil.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
