RIBADEO .- A xunta de voceiros do Concello de Ribadeo aprobou por unanimidade esta mañá as obras que se realizarán na vila con cargo aos fondos estatais de inversión que destinan a este municipio 1.717.000 euros. Ditas obras foron ratificadas despois pola xunta de goberno. O alcalde, Fernando Suárez, lembra que “xa todos os voceiros pactamos no seu momento dividir a metade desa cantidade entre a vila e as parroquias. Para ir gañando tempo, dado que estes proxectos hainos que mandar canto antes para que sexan avaliados polo ministerio que ten que dar a súa conformidade, decidimos xa darlle para adiante a unha primeira remesa de proxectos que lle afectan ao ámbito urbano e nos vindeiros días faremos o propio co medio rural”. O rexedor engade que “unha vez elaboradas as memorias e os proxectos vemos que entraron moitos dos que os voceiros propuxeron, pero non todos como nos gustaría porque as cantidades económicas moitas veces elevanse ata un punto que fai inviable meter todos os proxectos. Con todo eu creo que se vai dar un impulso ao ámbito urbano sobre todo na rehabilitación e modernización de espazos que estaban moi degradados”.
Listado de obras
As obras propostas son: a construción da rede de abastecemento de auga potable ao parque empresarial “que era a parte que quedaba por facer ao Concello”, segundo explica Fernando Suárez. A adecuación, mellora e rehabilitación de espazos públicos no entorno dos colexios e centros de ensino “tanto na Avenida de Luarca á que boa falla de facía coma na rúa Traseira e Julio Lazúrtegui onde se realizará unha mellora importante que irá engadida ao que se fará en breve en Carlos III”. Acometeranse obras en rúas e espazos urbanos como a adecuación, mellora e rehabilitación da rúa Camilo Barcia “que está situada entre Calvo-Sotelo e Rosalía de Castro e que se atopa moi deteriorada”, realizaranse obras nunha travesía moi pequeniña situada entre San Lázaro e Pintor Fierros e melloras no entorno da zona de Alza, Recarey e Irmáns Moreno Ulloa así coma na explanada da Praza de Abastos “tanto na zona norte coma na zona sur”. Dentro dese fondo estatal de inversións o Concello de Ribadeo prevé realizar actuacións no ámbito da xestión dos residuos sólidos urbanos “creando unha serie de isletas con cubrecontenedores que disimulen o impacto visual porque os que hai afean o entorno. Non chegarán para toda a vila, pero si para as zonas máis transitadas e máis importantes”, segue a contar o alcalde ribadense. E tamén está prevista unha partida para a rehabilitación do Auditorio Municipal Hernán Naval que ten serios problemas de humidades.
Creación de postos de traballo
En total estas obras suporán un custe de 832.000 euros. Fernando Suárez di que “os técnicos estiman que se daría traballo a unhas 20 persoas por parte das empresas que executen estas obras no seu momento, que deberán estar adxudicadas e en funcionamento antes de abril de 2009”. O alcalde destaca que “estes proxectos recollen as propostas expostas por UPRI, PSOE, PP e BNG e quero subliñar a unanimidade entre os grupos de Ribadeo para ben dos intereses dos veciños do noso concello”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
