CERVO.- O goberno do concello de Cervo manifesta estar elaborando un plan de obras, que será financiado polo Fondo Estatal de investimentos, que ten como referencia o programa electoral municipal do PP e ao que pretenden incorporar achegas de grupos da oposición e das asociacións de veciños.
NOTA DE PRENSA:
Non descarta incorporar achegas dos grupos da oposición, dos distintos colectivos veciñais así como todas aquelas actuacións de interese xeral que poidan ser propostas. Para perfilar as futuras obras, membros do Goberno municipal están a manter contactos cos distintos alcaldes pedáneos do municipio.
O GOBERNO MUNICIPAL ELABORA UN PLAN DE OBRAS A FINANCIAR POLO FONDO ESTATAL DE INVESTIMENTOS BASEADO NOS COMPROMISOS DO SEU PROGRAMA ELECTORAL
* Os socialistas votan en contra do punto da orde do día que eles mesmos propuxeron. Unha mostra máis da despreocupación desta formación política cuxos catro concelleiros esqueceron acudir á comisión preparatoria da sesión plenaria que solicitaron.
* Socialistas e nacionalistas rexeitan o plan de obras proposto polo BNG por conter actuacións técnica e economicamente inviables. Os nacionalistas limitáronse a efectuar un corta e pega dunha proposta tipo chea de erros e imprecisións.
Cervo, 27 de decembro de 2008.- Ás 13.00 horas do día do pasado venres tivo lugar unha sesión extraordinaria do Pleno Municipal do Concello de Cervo co obxecto de debater un único punto da orde do día: a proposta e aprobación, se procede, dun plan de obras a financiar con cargo ao Fondo Estatal de Investimentos das administracións locais.
O Goberno cervense adiantou que está a traballar na confección definitiva do catálogo de actuacións, obras e investimentos a desenvolver nas distintas poboacións do termo municipal. Con este obxecto, membros do Executivo encabezados polo seu primeiro edil, Alfonso Villares, están a manter xuntanzas cos distintos alcaldes pedáneos, así como tamén valorando as distintas propostas realizadas desde varios colectivos veciñais do municipio. O grupo de Goberno adianta que o plan de obras definitivo basearase, de xeito preferente, nas propostas que forman parte do programa electoral co que o Partido Popular obtivo o respaldo maioritario dos cervenses. Ao mesmo tempo non descartan estudar calquera outra proposta que se realice co obxecto de cubrir as necesidades dos veciños e das veciñas do municipio e garanta o interese xeral.
O PSOE VOTA EN CONTRA DA SÚA PROPIA PROPOSTA
No transcurso da devandita xuntanza o PSOE non puido defender a súa proposta de actuacións a desenvolver con cargo a estes fondos que, no caso de Cervo, teñen previsto achegar 845.296 euros ata as arcas municipais. Os socialistas presentaron o seu catálogo de actuacións propostas de xeito extemporáneo xa que ningún dos catro edís do PSOE acudiron á comisión informativa de asuntos do pleno na que deberan perfilar, con carácter previo, a orde do día da sesión plenaria que eles mesmos solicitaron. O debate estivo, polo tanto, baleiro de contido, no referente ás propostas do PSOE pois ningún dos catro edís socialistas estaba facultado por lei para defender a súa proposta.
“Na axenda de prioridades do PSOE Cervo non está no primeiro lugar e agora non poden reclamar algo que pola súa irresponsabilidade e falta de dedicación perderon. Ademais, son moi conscientes do seu errado actuar”
A situación final foi do máis absurdo. Os edís socialistas chegaron a votar en contra dun punto da orde do día cuxo debate eles mesmos propuxeron. A falta de dedicación dos edís do PSOE aos asuntos municipais e a manifesta despreocupación por colaborar na elaboración do plan de obras definitivo que inclua as actuacións que se poden levar a cabo con cargo a este fondo estatal, deixou en evidencia aos integrantes desta formación política que actuaron dun xeito gravemente indilixente. “Incumpriron a lei da seriedade e a responsabilidade”-en palabras do primeiro edil.
CORTA E PEGA DO BNG CON PROPOSTA TÉCNICA E ECONOMICAMENTE INVIABLES
Por outra banda, socialistas e nacionalistas rexeitaron o plan de obras proposto polo BNG despois de subliñar as múltiples carencias que presentaban cada unha das actuacións nel incluídas. Os nacionalistas pretendían desenvolver unha nova rede de evacuación de augas residuais centradas nas cuncas do río Xunco e Cobo “máis a súa proposta carecía de todo rigor ao non ter acreditada nin a súa viabilidade técnica nin económica”.
O BNG non dicía nin a canto ascendería o custe desta nova rede, e das obras a desenvolver para levar adiante a súa construción, nin tampouco si este tipo de entronques coa rede actualmente existente é tecnicamente posible. O Goberno municipal lembrou que xa se está a traballar coa administración competente, Augas de Galicia, nos proxectos de saneamento en Castelo, Trasbar e A Senra, así como nas poboacións de San Ciprián e Cervo capital.
¿LUGO OU CERVO?
Ao mesmo tempo subliñou a falta de dilixencia do BNG que, chegou a realizar un simple “corta e pega” no plan de obras proposto. Nel facíase referencia ao Concello de Lugo en vez de ao Concello de Cervo e se indicaba que a achega do fondo estatal era superior aos 16 millóns de euros, cando esta cantidade e moi superior a que de verdade ten que recibir o noso concello. Segundo o grupo de Goberno o único edil nacionalista tampouco puxo ningunha interese no que estaba a propoñer, e para mostra, as graves deficiencias formais do plan de obras presentado “Hai que leer os documentos, non vale con facer un simple corta e pega cando estamos a tratar de cousas tan serias como as actuacións que o Concello desenvolverá coa vista posta na mellora dos servizos, dotacións e infraestruturas das que a dispoñen os veciños do noso concello”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
