RIBADEO .- O Centro Comercial Aberto de Ribadeo sorteará este Nadal 12.000 euros en vales de compra para gastar nos establecimentos da vila. A campaña destas festas foi presentada este mediodía polo presidente de ACISA e do CCA, Gervasio Cao e polo alcalde de Ribadeo, Fernando Suárez.
O responsable do Centro Comercial Aberto asegurou que “este ano recuperamos o sorteo de Reis que adxudica os premios aos boletos cuios números coincidan cos premiados do Sorteo del Niño que se celebra en xaneiro. Coma outros anos imos distribuir rifas entre os establecimentos asociados que se farán cargo de repartilas entre os seus clientes. Imos sortear un primeiro premio de 6.000 euros, consistente nunha paga mensual de 500 euros durante un ano; un 2º premio de 3.600 euros, consistente tamén nunha paga mensual de 300 euros durante un ano e despois haberá 12 premios de 200 euros cada un que se entregarán directamente”.
Gervasio Cao tamén contou que “os asociados terán tickets para regalar aos seus clientes para o acceso dos máis pequenos a unha hora gratuita en calquera no parque infantil Chiquiland e no Centro de Ocio Infantil Dubidú para facilitar as compras a seus pais”.
Apertura os luns
O CCA repartirá durante toda a campaña de Nadal: bolsas de rafia ecolóxicas, caramelos e piruletas aptos para celíacos, tarxetas de felicitación… Dita campaña empeza o vindeiro 6 de decembro e rematará o 5 de xaneiro de 2009. O presidente do Centro Comercial Aberto avanzou que os comercios estarán abertos en Ribadeo os luns 22 e 29 de decembro e o 5 de xaneiro “para facilitar as compras durante eses días, ainda que aquí abrimos os domingos e pechamos os luns, pero eses tres días as tendas estarán abertas no seu horario habitual”.
A campaña de Nadal do CCA comprende tamén animación polas rúas e tres obradoiros infantís os días 20 e 30 de decembro e o 4 de xaneiro: maquillaxes, creación de instrumentos musicais e cabezudos e contacontos. Gervasio Cao sinalou que “nós tamén repartiremos as entradas para asistir ás 3 obras de teatro que o Concello programou para eses días”.
Pola súa banda, o rexidor de Ribadeo, dixo que o Concello “colabora nesta campaña con 12.000 euros que irán destiñados a financiar os gastos das ludotecas, as campañas de publicidade do CCA, as actividades de lecer e o alumeado navideño”. Fernando Suárez engadiu que “se trata de dinamizar o comercio local nestas datas nas que nos aliamos para facer máis atractivo Ribadeo en Nadal. Queremos contribuir así a traer moita xente á nosa vila tanto desde outros puntos da Mariña, coma desde o Occidente Asturiano”.
O CCA de Ribadeo sortea en Nadal 12 mil euros en vales de compra
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Arrincou en Ribadeo o ciclo de charlas da FCAM sobre o futuro laboral na Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
