Nota de Prensa
O BNG PLANTEXA VARIAS PROPOSTAS PARA O FONDO ESTATAL DE INVERSIÓN MUNICIPAL.
Barreiros, 13 de decembro de 2008. O BNG plantexa varias propostas para o fondo estatal de inversión municipal no Concello de Barreiros ao que lle corresponden 574.504 euros. Son as seguintes:
EQUIPAMENTOS SOCIAIS E CULTURAIS: Dotación de mobiliario para a Casa da Cultura (leva 3 anos construida e sen abrir porque falta o mobiliario) e recuperación e dotación de locais sociais nas diferentes parroquias.
PROTECCIÓN DO MEDIO AMBIENTE: Limpeza das marxes e cauce do río Masma para a recuperación da fauna piscícola e posta en valor deste importante recurso natural e turístico que é unha antiga e constante reivindicación dos veciños e das asociacións de pescadores. Segundo os nacionalistas, é de urxente necesidade a limpeza das marxes, do cauce e do leito do río entre a zona comprendida e acotada (Celeiro de Mariñaos) e a desembocadura (Espiñeira) e tamén a chamada zona libre.
CONSERVACIÓN DO PATRIMONIO MUNICIPAL E PATRIMONIO HISTÓRICO: Recuperación dos elementos etnográficos, arquitectónicos e de interés social e histórico de uso público nas diferentes parroquias. Posta en valor da antiga Ponte do Barral, no río Masma, (ponte do século XVIII, de interés arquitectónico que foi destrozada nun arranxo feito no ano 1984).
INFRAESTRUCTURAS: Redes de saneamento. Completar a rede de saneamento da costa e posibilidade de elaborar un proxecto de saneamento para a zona interior do concello.
NOVAS TECNOLOXÍAS: Achegar a todas as parroquias do concello os novos sistemas de telecomunicacións: internet, telefonía, televisión dixital terrestre…
O BNG de Barreiros intentará contrastar estas e outras propostas co movimento asociativo do concello e as diferentes parroquias a través dos seus representantes.
O prazo de presentación de solicitudes diante do goberno estatal comenzou o pasado 10 de decembro e rematará o 20 de xaneiro. O BNG solicitou no Congreso a través da súa deputada Olaia Fernández Davila unha ampliación de dito prazo.
As propostas do BNG de Barreiros analizaránse no pleno extraordinario convocado polo alcalde para o vindeiro 24 de decembro a iniciativa dos grupos da oposición.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
