RIBADEO .- O alcalde de Ribadeo, Fernando Suárez, considera “unha tremenda irresponsabilidade as declaracións que están a realizar sobre o mercado semanal desde a UPRI e desde o PSOE, sobre todo as do voceiro da UPRI que foi concelleiro no momento no que se aprobou esta ordenanza que agora temos que defender por responsabilidade lóxicamente, e tamén estou absolutamente sorprendido polas palabras do ex alcalde, Balbino Pérez Vacas xa que tivo a súa responsabilidade en canto á orde na praza de abastos porque él era o que tiña esas funcións que non estaban delegadas”.
O rexedor cre que estas formacións políticas “están recorrendo ás mentiras e por puro oportunismo político pretenden modificar a norma para contentar a esa parte descontenta dos ambulantes. Hai que lembrar que a metade dos vendedores están a cumprir desde sempre e están ocupando os metros que están pagando e hai outros que non e o Sr. Rivas e Balbino pretenden que se modifique a ordenanza para contentar aos que se comportan de xeito insolidario, queren beneficiar aos infractores… é sorprendente a súa defensa do interés público”.
Sementando debilidade
Suárez Barcia insiste en que “con estas declaracións o que están facendo é sementar a debilidade na Corporación Municipal porque o goberno, sexa moi numeroso ou non, é moi forte na súa determinación de que se cumpra esta legalidade. Están sementando a debilidade na Corporación e fan que esto se poida alongar porque os infractores que non pagan con estas declaracións síntense fortes e poden ameazar con proseguir coas movilizacións”. O alcalde de Ribadeo pregúntase “a ver cómo lle explican PSOE e UPRI aos que levan anos pagando correctamente que foron uns parvos por facelo así. A ver como lle explican ao resto dos hostaleiros que cando poñan terrazas pidan para colocar dúas e logo coloquen dez, a ver como lle explican aos albanéis que cando poñan andamios nas rúas soliciten por tres e ocupen 12 metros. Todas estas ordenanzas foron aprobadas por eles e están vixentes na actualidade”.
A norma está para cumprirse
Fernando Suárez di que “esto non é unha feira, é un mercado serio que debe rexirse por unhas normas que están aprobadas desde hai dez anos e que hai que cumprir e logo podemos falar ou deixar de falar máis ou menos, non haberá problema para o diálogo, pero sobre a norma non se dialoga hai que cumprila en tanto estea vixente”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
