RIBADEO .- Hoxe non houbo mercado semanal en Ribadeo, porque os vendedores decidiron non montar os seus postos coma medida de protesta contra a aplicación da ordenanza que está a realizar o Concello. O alcalde de Ribadeo, Fernando Suárez, asegura que “o equipo de goberno e este alcalde á cabeza mantén a ordenanza que foi creada no ano 1998, sendo rexedor o señor Rodríguez Andina e concelleiro do Mercado o señor Rivas que daquela militaba nas filas do PP. É unha ordenanza que non se tocou agás os cambios que se deron cos incrementos do IPC estes anos, ao igual que aconteceu coas demais ordenanzas municipais”.
O rexedor di que lle desgusta que “se estea a facer unha interpretación torticeira desta ordenanza no sentido de que me parece tremendamente inxusto que haxa unha serie de vendedores que paguen conforme esa ordenanza polos metros cadrados que ocupan e que outros ocupen por exemplo 30 metros cadrados e paguen por 13, outros que están ocupando 26 e pagan por 8 e outros que pagan por 12 e ocupan 48 metros cadrados. Isto non parece lóxico si todos somos iguais ¿non?”. Fernando Suárez engade que “debido a acontecementos varios nos últimos tempos esta situación foise viciando e foise aumentado esta ocupación ata o punto de que moitas veces os propios usuarios do mercado ven dificultado o seu tránsito porque non se pode andar e os vendedores foron ocupando máis do que teñen autorizado e desde hai 2 ou 3 meses eu coma alcalde ordenei que se revisara si a xente ocupaba o que pedía e comprobamos que a metade axústanse bastante ao que declaran, pero hai outros que exceden moito ou moitísimo o que declaran e pagan”.
Lista de espera para vender en Ribadeo
O alcalde de Ribadeo considera que “nesta situación quedan 3 opcións e todas pasan por cumprir a ordenanza: que os vendedores paguen o que realmente están ocupando; que ocupen polo que están pagando e que reduzan a súa ocupación ata o límite do que están declarando e senón están de acordo que renuncien aos postos porque hai unha lista de espera dunhas 40 persoas que queren vir vender ao mercado de Ribadeo e non teñen sitio”.
Fernando Suárez asegura que “o Concello recada polos postos dos mércores 3.500 euros ao mes cando debería chegar aos 5.900 aplicando o que di a ordenanza, sen modificala para nada. Quero deixar claro que esa serie de informacións tendenciosas que se estiveron a dar por parte dalgunha persoa non son certas. Lembro que a ordenanza non foi creada por nós, pero nós temos a obriga de facer que se cumpra. Trátase de leis de índole municipal que hai que cumprir mentres non se droguen, e esta foi aprobada no ano 1998”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
