NOTA DE PRENSA
Multiplícanse as criticas dos usuarios do centro sanitario de atención primaria desta localidade cervense aos que os populares convidan a formalizar as súas queixas ante o servizo de atención ao paciente
A NON SUBSTITUCIÓN DUNHA MÉDICA EN SITUACIÓN DE BAIXA TEMPORAL PROVOCA O COLAPSO DO CENTRO DE SAÚDE DE SAN CIPRIAN
• O SERGAS permite o desvío masivo de doentes que non son atendidos na consulta do médico de familia ata o servizo de urxencias do Hospital, ao mesmo tempo que non evita a existencia dunha lista de espera para a prescrición das receitas médicas.
• Os populares tamén se fan eco das queixas dos prexuízos que están a producir polo mal funcionamento do servizo telefónico centralizado de citas en atención primaria.
Cervo, 17 de decembro de 2008.- O deputado autonómico do Partido Popular de Galicia e tenente de Alcalde do Concello de Cervo, Jose Manuel Balseiro Orol, vén de facerse eco das múltiples queixas que os pacientes e usuarios do centro de saúde de San Ciprián están a realizar despois de que a non substitución dunha doutora de baixa temporal no seu traballo estea a provocar o colapso deste servizo de primeira necesidade. Segundo puido coñecer o parlamentario mariñán o SERGAS está a permitir o desvío masivo de doentes que non son atendidos na consulta do médico de familia ata o servizo de urxencias do Hospital da Costa, “cos todos e cada un dos prexuízos que esta situación leva”. Ao mesmo tempo está a rexistrarse unha importante lista de espera, que en moitas ocasións supera os tres días, para a prescrición das receitas médicas, incluso naqueles pacientes que, por ter unha doenza crónica, teñen a necesidade de dispoñer de medicamentos con máis frecuencia.
CORRIXIR CON URXENCIA A SITUACIÓN ACTUAL
Desde o Partido Popular de Galicia emprazan á Consellería de Sanidade, en mans da socialista Maria José Rubio Vidal, a corrixir con urxencia estas deficiencias. Neste senso, propoñen desde o reforzo do cadro de persoal do centro de saúde de San Ciprián ata o traslado polo tempo necesario dun novo doutor que poida substituír á médica de baixa temporal e cuxos pacientes, de xeito maioritario, están a verse prexudicados polo colapso do servizo.
FORMALIZAR A SÚA QUEIXA
Por outra banda Balseiro Orol empraza a aqueles veciños que poidan verse afectadas por esta situación a que formalicen a súa queixa a través do servizo de atención ao paciente situado no Hospital da Costa de Burela. Deste xeito, Sanidade non poderá ampararse, como fai en moitas ocasións, en que non ten constancia de críticas ou queixas por parte dos usuarios e, polo tanto, “non terá outro remedio que tomar cartas no asunto”.
DETERIORO DA SANIDADE MARIÑÁ
Segundo Balseiro esta non é máis que unha mostra palpable do progresivo deterioro do sistema público de saúde en Galicia, circunstancia que atribúe á mala xestión do Goberno bipartito e do departamento autonómico de responsabilidade socialista. O deputado popular subliña que este non é un feito puntual, xa que noutros moitos centros de saúde e no propio hospital se están a producir este tipo de problemas vinculados sobre todo á falta de substitución dos profesionais sanitarios que non poden, pola circunstancia que sexa (baixa, permisos, vacacións) desenvolver o seu traballo durante un período de tempo determinado.
PROBADA PROFESIONALIDADE DO CADRO DE PERSOAL
Ao mesmo tempo insiste na profesionalidade dos traballadores e traballadoras do Servizo Galego de Saúde. “Os veciños deben saber que o actual colapso non é imputable aos médicos ou ao resto do cadro de persoal do centro senón que debe atribuírse á mala xestión que se está a facer desde os cargos directivos e desde os postos de responsabilidade política da Consellería de Sanidade”
QUEIXAS POLO NOVO SERVIZO DE CITAS TELEFÓNICAS CENTRALIZADO
Por outra banda do PPdeG tamén se fai eco das críticas coincidentes de moitos usuarios do servizo público de saúde en Galicia tras a posta en funcionamento dun novo teléfono único e centralizado para a obtención das citas: O 902 077 333 . Balseiro Orol subliña que en moitas ocasións os veciños non dan contactado cos técnicos que atenden o teléfono, outras moitas prodúcense fallos informáticos que impiden a determinación da cita na hora o día solicitado e, o que é máis habitual, non se ofrece a posibilidade para acceder á axenda de determinados médicos especialistas.
A todas estas queixas temos que engadir que o número de teléfono centralizado que se está a publicitar é un número de tarificación especial (902) o que supón unha chamada con custo engadido que incluso prexudica a aquelas persoas que teñen contratada unha liña de internet de alta velocidade e que, salvo para contactar con este tipo de números, ofrece gratuítas as chamadas a teléfonos locais e nacionais. O 902 do SERGAS non forma parte da promoción contratada por estes usuarios e, polo tanto, supón un cargo a maiores que incrementa a factura final do teléfono.
“Non é de recibo que, pola circunstancia que sexa, -afirma Balseiro- en vez de mellorar o servizo o estean a empeorar.”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
