CERVO .- A Deputación Provincial amañará a estrada de Rúa a San Román según indican dende o Concello de Cervo e explican que “o acordo acadouse no transcurso da xuntanza celebrada este mediodía” entre representantes dos veciños, do concello e “na que tamén participou a voceira socialista da oposición e membro do Goberno provincial Lara Méndez”.
Nota de Prensa
A estrada de titularidade provincial presenta múltiples deficiencias polo abandono e despreocupación da Deputación, que ata o momento negouse a efectuar as labores de mantemento e as reparacións necesarias, tal e como se lles viña reclamando reiteradamente desde o Goberno municipal
A PRESIÓN EXERCIDA POLO ALCALDE DE CERVO E OS VECIÑOS DE RÚA E SAN ROMÁN OBRIGA Á DEPUTACIÓN A COMPROMETERSE COA MELLORA DO VIAL QUE UNE AMBAS PARROQUIAS
Cervo, 12 de decembro de 2008.- O Alcalde de Cervo, Alfonso Villares Bermúdez mantivo no día de hoxe unha xuntanza con representantes de diversos colectivos e veciños das parroquias de Rúa e San Román. O rexedor municipal convocoulles co obxecto de dar conta das distintas reclamacións efectuadas polo Goberno municipal ante a Deputación para que o organismo provincial procedera á corrección urxente das deficiencias que presentan varios treitos da estrada que une estas parroquias co veciño municipio de Burela. Gran parte destes desperfectos converten un dos traxectos máis empregados polos veciños das devanditas parroquias nun espazo practicamente intransitable, de xeito especial, naqueles puntos que, por mor das obras que se están a desenvolver, aínda permanecen sen asfaltar ou presentaban fochancas e outro tipo de imperfeccións, agravadas ademais polas últimas choivas. A día de hoxe o único traxecto alternativo dos veciños de Rúa e San Román é unha estrada de titularidade municipal coñecida como Seixoso, pois as deficiencias da estrada provincial levan presentes durante máis de dous meses.
A presión exercida polo Alcalde de Cervo e as críticas recorrentes dos veciños de Rúa e de San Román lograron o seu obxectivo e a Deputación Provincial comprometeuse a mellorar a vía e a corrixir gran parte das actuais deficiencias. O acordo acadouse no transcurso da xuntanza celebrada este mediodía e na que tamén participou a voceira socialista da oposición e membro do Goberno provincial Lara Méndez. Alfonso Villares lamentou que sexa necesario convocar aos veciños e esperar dous meses para que representantes do Goberno provincial dean a cara e asuman a realidade duns desperfectos que todos poden ver.
Tanto os veciños como os representantes locais fixeron fincapé en deixar claro que a actuación a desenvolver pola Deputación non pode quedarse nun mero arranxo provisional; e coidan que o organismo provincial consigne unha partida orzamentaria nos presupostos do vindeiro ano para acometer o asfaltado dos 1,6 quilómetros que faltan por pavimentar. Así como tamén os membros do Goberno municipal e os veciños reclaman á Deputación que asuma, cos seus medios a inmediata corrección das deficiencias máis salientables, actuación de urxencia que debe acometerse nas vindeiras datas. Finalmente acordaron enviar unha carta o Presidente provincial para que se achegue a comprobar in situ o mal estado da estrada e poida asumir os traballos para corrixir estas deficiencias nesta vía da súa competencia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
