A MARIÑA .- O responsábel do sector do mar do sindicato CIG, Xavier Aboi, e o responsábel de negociación, Xesús García Couso, denunciaron a situación “de escravitude” na que se atopan mariñeiros indonesios que traballan para barcos con bandeira española ou con intereses españois. Aboi apuntou directamente a empresas que “trafican con carne humana” e acusou á administración galega e estatal por permitir a existencias de contratos baixo estas condicións, según publica o xornal dixital Avantar do sindicato CIG e recollen outros medios como Galiciae, La voz de Galicia, ou El Pais .
FONTE: Avantar
Empresas intermediarias ofrecen contratar traballadores dende 300 euros e sen seguro de accidente
CIG Mar denuncia a situación de “escravitude” dos mariñeiros indonesios que traballan en barcos españois
O responsábel do sector do Mar da CIG, Xavier Aboi, e Xesús García Couso, responsábel de negociación colectiva da Federación, denunciaron a situación “de escravitude” na que se atopan os mariñeiros indonesios que traballan para barcos con bandeira española ou con intereses españois. Aboi apuntou directamente a empresas que “trafican con carne humana” e acusou á administración galega e estatal por permitir a existencias de contratos baixo estas condicións.
08-12-15 CIG-Mar
Xavier Aboi e Xesús García Couso denunciaron as condicións de traballo ás que están sometidos os traballadores indonesios embarcados en barcos de bandeira española.
O responsábel de Mar da FGAMT, Xabier Aboi, compareceu en rolda de prensa para denunciar a situación na que se atopan os miles de mariñeiros indonesios que traballan para barcos españois ou con intereses españois. Aboi mostrou a denuncia presentada ante a Inspección do Traballo na que se recollen parte dos datos obtidos na investigación levada a cabo pola central e que demostran a existencia de contratos cuxas condicións son ilegais segundo o ordenamento xurídico español.
Aboi falou de firmas que “trafican con carne humana” como Shipopesca, con sé en Xove, ou Spain Total Quality, en Vigo. Ambas compañías ofrecen traballadores indonesios a prezos situados moi por debaixo do salario mínimo estabelecido pola lexislación e con táboas salariais diferentes en función da nacionalidade de orixe do traballador.
“Estamos ante unha verdadeira mafia nos peiraos permitida e amparada polos gobernos de turno. Non hai que esquecer que o embaixador de Indonesia estivo en San Caetano hai uns anos e se permitiu que entraran sen ningún control tripulantes indonesios”. Situación que, indicou, se ten agravado nos últimos anos e mesmo se ten dado “unha guerra de prezos” entre as firmas contra a que as Consellería de Traballo e Pesca non teñen promovido nin unha soa acción.
Salarios por debaixo do mínimo
As intermediadoras ofrecen contratos de mariñeiros dende 300 euros, sen contemplar a cotización á Seguridade Social, que se pretende substituír co pago dun seguro de saúde ou accidente. No caso concreto de Total Quality aparece reflectido que o “cliente entregará entre 300 e 500 euros por tripulante” para responder aos gastos de xestión e que o seguro de accidentes vai a cargo do contratante.
A este respecto, Xavier Aboi mostrou como exemplo un contrato de traballo no que aparece unha cláusula na que queda convido que no caso de accidente se pagará a cantidade de 225 dólares ao traballador cun máximo de 8 meses.
Dende CIG-Mar criticouse duramente á Consellería de Traballo, á Inspección, a Pesca e ao Ministerio de Traballo e Inmigración por ignorar as manobras destas empresas e permitir “unha situación de escravismo de tal magnitude”. “A CIG non quere ser cómplice desta situación, estes empresarios son delincuentes, pero hai quen llo permite, e eses tamén son delincuentes”, afirmou Aboi.
Empresas en Burela e Vigo
O responsábel de CIG-Mar denunciou a existencia doutras empresas que operan do mesmo xeito en Vigo e Burela. No caso da cidade olívica, o 80% do “mercado” de mariñeiros procedentes de Asia están en mans de Crewnova. No ano 2006, segundo indicou Aboi, esta firma facturou 600.000 euros sen ter ningún empregado en nómina, mentres que no 2007 presentou unha facturación superior a 1.700.000 euros.
En Burela, Aboi denunciou que os altos cargos da propia patronal de armadores teñen creado dúas empresas Nautae Burela S.L. e Servixestión Burela S.L. que xunto a Crewnova e Shipopesca se reparten “o mercado”.
“O que está pasando en Burela é de auténtico escándalo”, afirmou Xavier Aboi, quen destapou a existencia de 6 pisos en Burela e San Cibrao nos que Nautae e Servixestión teñen“metidos como gando” aos tripulantes indonesios, aos que se encargan de levarlles a comida feita ou “o arroz en crú”, que os propios traballadores teñen que pagar, xunto co alugueiro.
Aboi tamén deu conta da existencia de ameazas por parte destes intermediarios a aqueles empresarios do sector do mar que teñen contratados indonesios baixo as mesmas condicións que os mariñeiros galegos, pois “supón un mal exemplo”.
“Non estamos dicindo que os traballadores indonesios non teñan dereito a traballar, o que pedimos é que teñan as mesmas condicións que os galegos e se acabe con estas mafias dunha vez por todas”, concluíu Xavier Aboi.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
