RIBADEO .- A 7ª fase da rehabilitación do casco histórico de Ribadeo suporá uns investimentos de 340.000 euros desde o 2009 ao 2011e posibilitará o arranxo de 20 vivendas. Deses cartos, segundo explica o alcalde, Fernando Suárez, “o Concello aportará 54.000 euros, 130.000 a Xunta e 156.000 o Ministerio de Vivenda”. Suárez asinou nas últimas horas o convenio que permitirá levar adiante esta nova fase coa ministra de Vivenda, Beatriz Corredor e a conselleira de Vivenda, Teresa Táboas.
O rexedor asegura que “este novo convenio supón un novo paso adiante nesta ansia por recuperar un dos cascos históricos mellores e máis singulares de todo o noso país, aínda que nunha situación nalgúns aspectos bastante deteriorada. Ese desembolso de cartos suporá que os veciños propietarios de vivendas no casco vello de Ribadeo poidan seguir beneficiándose destas axudas… que non son só de agora porque temos unha oficina desde hai anos que ven tramitando este tipo de subvencións”.
Fernando Suárez considera que “isto é seguir tendendo a man para todos aqueles propietarios de vivendas que as teñen moitas veces nun estado lamentable… de que teñen axudas para poder mellorar a fisionomía deses inmobles. Tamén hai que dicir que moitos dos propietarios que viven nesas vivendas do casco vello interésanse e infórmanse e piden subvencións para tentar ter as súas casas da mellor maneira posible. Soamente ou case exclusivamente son os que non viven aquí os que se despreocupan do seu patrimonio e das súas obrigas”. O alcalde ribadense engade que “son un pouco os obxectivos que nos marcamos desde o Concello á hora de pedirlles responsabilidades en canto a salubridade, seguridade e ornato e nesa liña seguimos, tendendo a man a quen rehabilita o seu patrimonio e axuda a mellorar a estética do casco vello e marcándonos o obxectivo de rematar con todas esas situacións que provocan as vivendas que están moi deterioradas e cuxos propietarios sabendo dos deberes que teñen non se queren facer cargo desas obrigas patrimoniais”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
