BURELA .- Mañá 5 de novembro comeza a terceira edición do programa Aprender para educar que organizan a Concellaría de Benestar Social, a través do servizo de educación familiar, e a Asociación Socio-Pedagóxica Galega. Segundo explicou Neves Cando “organizamos este programa para reforzar o papel que xogan as familias na formación dos seus fillos e fillas sobre todo nos primeiros anos da súa vida e até que conforman a súa personalidade. Os obxectivos básicos son ofrecer aos pais e ás nais formación para coñecer o desenvolvemento evolutivo dos seus fillos e fillas e tamén fortalecer e mellorar as relacións nas familias e coñecer os procesos de ensino-aprendizaxe e todo isto no seo dun grupo de persoas que poderán compartir sentimentos e experiencias para que as nais e os pais poidan coñecer as súas actitudes, melloralas e tamén adquirir estratexias que lles faciliten a prestación da axuda eficaz e necesaria ás súas fillas e fillos”.
A primeira charla será mañá e leva por título Decálogo para pais e nais despistados e abafados será pronunciada por Juan Antonio Pinto, licenciado en Historia e mestre de Preescolar na casa. Cando di que “falará das pautas xerais á hora de poñer límites ás demandas dos máis pequenos e pequenas, das rutinas diarias e necesarias para que adquiran uns hábitos e sexan máis autónomos”.
A segunda conferencia será o 19 de novembro. Será pronunciada por Andrea Galego, doutora en medicina familiar e versará sobre A familia como modelo de adicións. A edil nacionalista asegura que neste caso “abordarase a problemática do tipo de vida que lles estamos ensinando a levar aos nosos fillos e fillas en relación co mundo das adicións”.
O 3 de decembro continuará o programa coa conferencia Todo un mundo de emocións na educación afectivo-sexual que pronunciará Cristina Lerma, mestra e pedagoga do IES Macías Namorado de Padrón. Neves Cando conta que “nos ensinarán a responder aos ques e aos porqués dos nosos fillos dunha maneira natural e confiada”.
O 17 de decembro será tempo de falar da Coeduación e revisión dos modelos masculinos, a cargo do colectivo Homes Galegos pola Igualdade. Segundo a edil de Benestar Social “revisaremos os cambios que se están dando na sociedade en canto aos roles masculino e feminino e nós coma parte desa sociedade temos que asumir o reto de educar aos nosos fillos na igualdade”.
O programa Aprender para educar continuará en xaneiro o día 7 coa charla Resolución dos conflitos e intelixencia emocional na que falará Carme Loureiro, profesora do IES Illa de Arousa que repetirá o 21 de xaneiro para analizas as Pautas de conduta, dereitos e deberes dos e das adolescentes. “Veremos a maneira de abordar entre todos as estratexias de prevención para superar situación conflitivas dun xeito positivo e os deberes e non só os dereitos coma tema fundamental”, engade Neves Cando.
Todas as charlas serán ás 19:30 horas no Auditorio da Casa da Cultura. Haberá servizo de gardería para que os pais poidan deixar aos seus fillos e participar con tranquilidade neste programa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
