NOTA DE PRENSA:
O BNG IMPULSA DESDE A CONSELLARÍA DE VIVENDA E SOLO UNHA POLÍTICA SOCIAL DE VIVENDA NA MARIÑA FAVORABLE Á MAIORÍA.
Nos anos 2006, 2007 e no que vai de 2008 promovéronse na Comarca da Mariña máis de 1.300 vivendas protexidas entre vivendas de promoción pública (VPP) e vivendas de protección autonómica (VPA).
Cabe resaltar que no que levamos do ano 2008 procedeuse a cualificar na comarca 628 vivendas como protexidas, cifra que triplica o número de vivendas cualificadas no ano 2004 (218). Moitas destas vivendas foron promovidas polo sector empresarial para a venta libre pero que a crise económica e inmobiliaria racharon esta posibilidade.
Con esta medida o BNG dende o goberno facilita o acceso a unha vivenda de calidade e a prezos asequibeis a moitos cidadáns da Mariña que tiñan impedido o acceso á súa primeira vivenda e ao mesmo tempo proporcionase unha axuda ao sector da construcción para minorar os efectos dunha crise producida pola enorme especulación.
A Consellería de Vivenda e Solo está a investir 2.490.653 € nas áreas de rehabilitación da comarca da Mariña lucense nas que está prevista a rehabilitación de 308 vivendas. A Consellería investiu tamén 1.852.391 € na rehabilitación de 612 vivendas nos concellos da comarca, a través de liñas de axuda para vivendas situadas no medio rural e en conxuntos históricos -que non son área de rehabilitación- e vivendas e edificios illados –que están en centros urbanos que non teñen ningunha figura de protección (BIC, PEPRI ou similares)
Púxose en marcha unha iniciativa novidosa como foi a adquisición de 8 inmobles para a súa rehabilitación mediante un investimento de 3,4 millóns de €, o que permitirá poñer 17 vivendas a disposición de persoas menores de 25 anos. Con esta actuación cúmprese tamén o obxectivo de conservación e posta en valor do noso patrimonio histórico.
Outra actuación novidosa para o ano 2009 é o investimento de 1.199.064 € na construción dun edificio interxeracional con 32 vivendas protexidas destinadas a mozos menores de 35 anos e maiores de 60 anos no Concello de Mondoñedo. Todas as vivendas se adxudicarán en réxime de aluguer. Tratándose dunha actuación desenvolvida en colaboración coa Vicepresidencia da Igualdade e do Benestar, polo que o baixo do edificio albergará un Centro de Día con capacidade para 30 usuarios.
Para garantir o acceso á vivenda digna como un dereito e para non estar sometidos no futuro aos efectos negativos da especulación do mercado os nacionalistas promovemos o Plan sectorial galego de solo residencial para vivenda protexida entre 2009 e 20017.
Un plan necesario para acabar co uso especulativo do solo residencial na nosa comarca e unha oportunidade para as familias, para o sector empresarial e para os concellos.
Un plan que prevé construir 1.018 vivendas protexidas e de prezo limitado e un investimento de 32,2 millóns de euros nas dúas Áreas Funcionais da Mariña: Ribadeo (105 vivendas protexidas), Burela (214 vivendas protexidas), Barreiros (156 vivendas protexidas), Foz (296 vivendas) e Viveiro (247 vivendas).
Con todo este conxunto de actuacións cumprimos os nosos compromisos e coa obriga de que os poderes públicos interveñan na política de vivenda en favor das persoas con menos recursos. Tamén se pon en evidencia un antes e un despois na comarca coa chegada do nacionalismo ao goberno de Galiza con un conxunto de actuacións que salientan os efectos positivos dun autogoberno posto ao servizo do benestar dos cidadáns da comarca.
Burela 21 de novembro de 2008
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
