NOTA DE PRENSA
O centro hospitalario burelense dispón do aparataxe e instrumental axeitado para desenvolver estas probas pero Sanidade xustifica os traslados na carencia de médicos especialistas, dato que vén a corroborar as denuncias do PPdeG sobre a carencia no cadro de persoal do centro.
O SERGAS CONFIRMA O DESPRAZAMENTO DE 516 DOENTES DO SERVIZO DE CARDIOLOXÍA DO HOSPITAL DA COSTA ATA CENTROS PRIVADOS DE LUGO E CORUÑA PARA SER SOMETIDOS A DIFERENTES PROBAS DIAGNÓSTICAS
* Os traslados afectaron a 19 doentes no 2006, 120 no 2007 e 342 no que levamos de ano. Aínda están pendentes de ser traslados 35 persoas “pese a que, segundo afirman desde o SERGAS, xa existe un novo cardiólogo no Hospital da Costa e, polo tanto, non persiste a causa que motivou os desprazamentos”.
* Os populares cuestionan que o criterio do SERGAS ante este tipo de eventualidades sexa obrigar a trasladarse aos pacientes a máis de 400 quilómetros -viaxe de ida e volta- en vez de decidir o traslado do médico especialista durante o tempo necesario ou en vez proceder a ampliación do horario de realización das devanditas probas aquí en Burela.
A Mariña, 13 de novembro de 2008.- O director xeral do SERGAS, Julio Vilar Barreiro confirmou no día de hoxe, en resposta ao Grupo Parlamentario Popular, que doentes do servizo de cardioloxía do Hospital da Costa teñen que desprazarse a un centro privado sito na cidade da Coruña e ao Policlínico de Lugo para ser sometidos a determinadas probas diagnósticas. Todo iso a pesar de que no centro hospitalario burelense existe aparataxe e instrumental axeitado para desenvolver as devanditas probas.
CARENCIAS NO CADRO DE PERSOAL
O alto cargo do Servizo Galego de Saúde xustificou estes desprazamentos na carencia de médicos especialistas en cardioloxía no Hospital da Costa o que vén a confirmar as denuncias do PPdeG que repetidamente esta a reclamar un reforzo no cadro de persoal deste centro. “Ante esta situación -explicou o director xeral- optouse por facer as probas diagnósticas que se precisaran, e que non puideran asumirse no Hospital da Costa, desprazando aos doentes ata os seus centros de referencia de Lugo e da Coruña. Todos eles, centros concertados co Servizo Galego de Saúde” Un deles, o Hospital San Rafael é un centro privado que curiosamente esta dirixido polo anterior Secretario Xeral do departamento autonómico da socialista Maria José Rubio Vidal.
516 AFECTADOS
Julio Vilar confirmou que as derivacións a centros distintos do de Burela de doentes do seu servizo de cardioloxía comezaron no 2006 con 19 traslados. Continuaron no 2007 afectando a 120 persoas e continúan ao longo do 2008, afectando neste ano a 342 doentes. O director xeral explicou, incluso, que queda pendente o traslado de 35 persoas máis, de xeito inminente e todo iso, “pese a que, segundo afirman desde o SERGAS, xa existe un novo cardiólogo no Hospital da Costa, e polo tanto que se resolveu a circunstancia que entonces xustificaba estes traslados”. Sanidade non descarta, manter estas derivacións “mentres persista a demora na realización das probas ou a lista de espera sexa máis que pouco razoable”
O PP CUESTIONA O CRITERIO EMPREGADO POR SANIDADE
Desde o PPdeG cuestionaron o criterio empregado polo SERGAS para levar a cabo os devanditos desprazamentos. O voceiro de Sanidade do PPdeG Miguel Santaelices explicou que “non é moi comprensible que, tratándose dun problema que se prolonga no tempo, Sanidade prefira someter a estes doentes a desprazamentos de máis de 400 quilómetros -viaxe de ida e de volta- en vez de trasladar ao médico especialista ata Burela de tal xeito que poida estar presente na realización daquelas probas diagnósticas que así o precisen”.
MEDIDAS CORRECTORAS
Santaelices tamén explicou que existen outro tipo de medidas correctoras que evitarían estes desprazamentos dos enfermos, como son a ampliación da xornada do cardiólogo que traballa no Hospital da Costa, ou a elaboración dun plan especial. Desde o PPdeG insisten en cualificar como “inexplicable e pouco equitativo” que Sanidade prefira trasladar máis de 500 pacientes, “co trastorno que isto provoca a estas persoas e aos seus familiares, en vez de facer o posible por diminuír estas derivacións. ¿Cal é o concepto de equidade que vostedes manexan?”- preguntou, neste senso, o voceiro de saúde do PPdeG
INICIATIVA PARLAMENTARIA DE BALSEIRO
A iniciativa que foi obxecto de debate no día de hoxe, e da que é autor o deputado mariñán José Manuel Balseiro Orol, foi rexistrada tras ter constancia de múltiples queixas dos doentes do servizo de cardioloxía do centro hospitalario mariñán que fixeron chegar as súas protestas ás oficinas que o Partido Popular ten abertas ao público en Viveiro e Ribadeo.
Os populares xa adiantan que continuarán presentando cantas iniciativas sexan necesarias “para poñer de relevo o progresivo deterioro do sistema público de saúde e no obxectivo de que o SERGAS habilite un plan específico chamado a corrixir as excesivas listas de espera que se rexistran no Hospital da Costa”. “Desafortunadamente PSOE e BNG están a servir de obstáculo no obxectivo de solucionar estas problemáticas”- explicou Balseiro Orol- “por poñer un só exemplo disto, lembremos a negativa do bipartito a elaborar unha auditoría das listas de espera que darían unha imaxe moito máis real da situación pola que se pasa o noso hospital”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
