RIBADEO .- O alcalde de Ribadeo, Fernando Suárez, confirmou hoxe que as intensas chuvias destes días provocaron que onte un ribazo de terra ocasionase importantes desperfectos nunha nave do porto comercial de Mirasol. O rexedor di que “na noite de onte unha lingua de terra veuse abaixo e foi dar contra dúas naves que operan no porto. Nunha delas causou moitos desperfectos porque levou o tabique da parte de atrás da nave meténdose esa lingua de terra bastante cara dentro desas instalacións e na nave contigua tamén ocasionou algún deserfecto”.
As instalacións afectadas foron visitadas esta mañá polo enxeñeiro xefe da zona norte de Portos de Galicia “e estivemos avaliando que é o que se vai facer para minimizar posibles riscos e deu instrucións para empezar a eliminar esa terra e así evitar que poidan producirse máis desprendementos. Tamén por unha cuestión precautoria decidimos Portos e o Concello de Ribadeo cortar ao tráfico o acceso ao porto comercial de Ribadeo nestes primeiros días para ver como vai evolucionando esta situación. O enxeñeiro confirmoume que iniciará os trámites para contratar de urxencia as obras de estabilización do ribazo en cuestión e agardamos que non vaia a máis”, segue a relatar o alcalde ribadense.
Fernando Suárez aproveitou a ocasión para pedirlle a Portos que “agora que se está a facer un carril adicional en Mirasol se prolongue un pouco máis ese acceso para que teña máis anchura e así non abusar tanto do precipicio e ir un pouco máis terra a dentro. O enxeñeiro veo con bos ollos, pero esta actuación agora mesmo non é urxente, o inminente é garantir a seguridade das naves afectadas polo desprendemento desa lingua de terra”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
