NOTA DE PRENSA:
Os deputado popular Balseiro Orol quere coñecer as previsións do Goberno galego respecto do alí atopado despois de que PSOE e BNG votaran en contra dunha iniciativa do PP que reclamaba a compra dos terreos se os técnicos valoraban necesario protexer e poñer en valor os restos do castro
O GRUPO POPULAR REITERA A SOLICITUDE DE COMPARECENCIA DE ÁNXELA BUGALLO PARA QUE OFREZA AS EXPLICACIÓNS OPORTUNAS SOBRE O XACEMENTO ARQUEOLÓXICO DE PUNTA ATALAIA
* A Consellería de Cultura incumpre o regulamento do Parlamento de Galicia e négase a facilitar unha copia da totalidade dos documentos, resolucións e demais información inclúida no expediente iniciado por este departamento tras a aparición dos restos arqueolóxicos.
* De xeito especial ocultan os datos relativos á autorización ou autorizacións para a continuación das obras dos edificios cuxos alicerces sepultarán irremediablemente os restos dun castro cuxo valor aínda non se ten aclarado.
* Os populares non descartan achegarse ata as instalacións da Consellería de Cultura e observan in situ os documentos que se lle están a ocultar
Cervo, 20 de novembro de 2008.- O Grupo Parlamentario Popular solicitará de novo a comparecencia da titular do departamento autonómico de Cultura, a nacionalista Ánxela Bugallo e do director xeral de Patrimonio Cultural, Felipe Árias co obxecto de que dean conta das previsións que manexan desde a administración autonómica en relación cos restos arqueolóxicos atopados no xacemento punta Atalaia de San Ciprián. Todo iso despois de que, no día de onte, tanto socialistas como nacionalistas rexeitaran unha iniciativa parlamentaria do PPdeG pola que se instaba á adquisición dos terreos sobre os que se asenta o castro, iso si facéndoo depender do parecer dos técnicos especialistas que deberían valorar se os alí atopado ten que ser obxecto de protección, preservación e posta en valor
Ata o momento a Consellería de Cultura está a obstaculizar toda acción de control exercida polo principal partido da oposición. Así por exemplo, negáronse a comparecer tanto Ánxela Bugallo como Felipe Árias no Parlamento de Galicia, desprezando unha petición formal que, con este obxecto, desatendendo a petición formulada polo Grupo Popular en agosto de 2008. A maiores, os responsables do departamento nacionalista de Cultura aínda non fixeron entrega da totalidade do expediente administrativo relacionado con este xacemento pese a que así lle foi requirido, a través do procedemento regulamentariamente establecido, fai catro meses.
MÁIS DE CATRO MESES DE ESPERA
Con data 05 de xullo de 2008 o deputado popular José Manuel Balseiro reclamou a través do artigo 9 do Parlamento de Galicia que se lle dera copia da totalidade dos documentos e resolucións ditadas en relación co expediente iniciado pola Dirección Xeral de Patrimonio sobre o xacemento arqueolóxico Punta da Atalaia.
Na mesma liña, os populares demandaron os datos obrantes en poder da Consellería de Cultura e Deporte en relación coas obras que se están a desenvolver na zona de afectación do xacemento. Ningún destes documentos foron entregados incumprindo dun modo manifesto as obrigas establecidas na lexislación vixente e os dereitos e prerrogativas de acceso á información que teñen recoñecido os deputados, para mellor exercicio das súas funcións.
PERSONARSE E OBSERVAN IN SITU O EXPEDIENTE
Por todas estas razóns desde o Grupo Parlamentario Popular non descartan personarse na sede da Consellería de Cutultura para comprobar in situ o devandito expediente e coñecer as razóns polas que desde o departamento autonómico que dirixe Ánxela Bugallo teñen tanto interese en ocultalo.
NON HAI ALTERNATIVA
Ao entender do deputado popular a alternativa de futuro que a Xunta manexa respecto do xacemento é moi sinxela de explicar “sen dar conta do valor do alí achado, Cultura autorizou que se sepulten baixo os alicerces duns novos edificios o castro da Atalaia”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
