NOTA DE PRENSA:
O BNG ACUSA AO PP DE PERPETRAR “UN INTENTO ESPECULATIVO E DE DESTRUCIÓN DO PATRIMONIO” NO XACEMENTO DE PUNTA ATALAIA
O deputado Xosé Ramón Paz Antón defendeu a posición do BNG contraria a unha pnl do PP e acusounos de “querer botar as culpas aos que tentan protexer o patrimonio”
Santiago de Compostela, 19 Novembro 08.- O BNG votou esta mañá en contra dunha proposición non de lei do PP sobre o xacemento de Punta Atalaia (Cervo).
O deputado nacionalista Xosé Ramón Paz Antón criticou duramente a actitude do deputado “popular” José Manuel Balseiro, ao que acusou de “ter moito rostro por intentar botar as culpas a quen tenta protexer o patrimonio e iso fanno as persoas culpábeis de vaciar o xacemento arqueolóxico”.
O portavoz de Cultura e Patrimonio do grupo parlamentar cualificou a Balseiro de “especialista na confusión” e explicou de xeito pormenorizado o sucedido en torno ao xacemento de punta Atalaia e ás obras autorizadas polo goberno local de Cervo nesta zona.
“É difícil de explicar por que o goberno local primeiro non aproba o estudo de detalle antes de abrir as dilixencias para a concesión de tres licenzas urbanísticas de edificios neste punto, posteriormente, ese estudo si se redacta e o que consigue é un voto desfavorábel”, explicou Paz Antón.
Malia a presenza de restos arqueolóxicos na zona, o goberno concedeu a licenza “cometendo erros de feito por non considerar a existencia do xacemento” cando, tal e como argumentou o parlamentar, “por forza tiñan que coñecer a súa existencia xa que existía documentación ao respecto desde o ano 1989 e existía un estudo informando sobre estes restos que se presentou para a elaboración do PXOM”.
O parlamentar do BNG cualificou de “irresponsábeis” aos dirixentes do goberno local por “conceder estas licenzas e, posteriormente, vaciar por completo o xacemento arqueolóxico para despois acusar á Consellaría de levantar as cautelas sobre esa parcela cando xa non queda nada”.
O portavoz de Cultura lembroulle tamén ao deputado do PP que a Fiscalía xa actuou este tema abrindo unha investigación por unha denuncia interposta sobre a actuación do concello.
Xosé Ramón Paz Antón perguntouse “cal é o papel do grupo popular aqui” e amosou a súa sorpresa pola súa petición de que se merque o xacemento, “o que pasa é que a especulación e o negocio da construción está en declive e agora queren que alguén merque os terreos”.
O deputado Manuel Parga tamén fixo uso da palabra durante uns segundos para respostar ás acusacións do deputado popular e acusar ao PP de perpetrar “un intento especulativo e de destrución do patrimonio”.
O parlamentar nacionalista da Mariña lucense retou ao PP a desautorizar publicamente ao seu portavoz e lembrou que “o único que está a defender son os intereses urbanísticos dos propietarios das parcelas, fronte ao interese público”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
