BURELA .- O alcalde de Burela, Alfredo Llano, corrixe a asociación de veciños O Vencello e aclara que “nunca dixen para nada que o concello fose un tenderete, nin moito menos” en referencia a afirmación vertida pola citada asociación de veciños de Burela. O alcalde explica que “eu estáballe a contestar no pleno de outubro ó portavoz da oposición sobre un tema político que herdamos e referíndome a como atopamos a situación cando chegamos ó concello foi cando aludín a esa situación coma a un tenderete”.
Llano asegura que a asociación de veciños O Vencello “defínense coma neutrais, sempre andar a dicir por aí que son neutrais e cando saen das reunións do PP – porque xa non se pode negar esa realidade – de alí a dous ou tres días aparecen cunha notiña de prensa.
Nota de Prensa
O ALCALDE DE BURELA DI QUE AS MANIFESTACIÓNS REALIZADAS POLO VENCELLO SON INFANTÍS E POUCO RESPONSABLES. LLANO ASEGURA QUE NUNCA DIXO QUE O CONCELLO É UN TENDERETE.
Burela, 11 de novembro de 2008. O alcalde de Burela, Alfredo Llano, asegura que os membros de O Vencello <interpretaron moi mal as miñas verbas cando dixen a palabra tenderete e eu o único que creo é que tentan confundir ós veciños. Eu estáballe a contestar no pleno de outubro ó portavoz da oposición sobre un tema político que herdamos e referíndome a como atopamos a situación cando chegamos ó Concello foi cando aludín a esa situación coma a un tenderete. Nunca dixen para nada que o Concello fose un tenderete, nin moito menos>.
O rexedor di que se trata <dunha mala interpretación e parece imposible que estes señores poidan ser representantes de algo. O que é unha pena é que estes señores que deberían estar traballando en facer propostas e aportar cuestións positivas adícanse a facer estas outras cousas. Defínense coma neutrais, sempre andar a dicir por aí que son neutrais e cando saen das reunións do PP (porque xa non se pode negar esa realidade) de alí a 2 ou 3 días aparecen cunha notiña de prensa>.
Alfredo Llano engade que <esas notas son unha escusa para tapar a súa mala xestión coma representantes dos veciños, porque aquí non viñeron nunca cunha proposta clara e real e nós sempre os recibimos ben, porque queremos levarnos ben con todo o mundo. Que se empregue a algún que di que representa a unha asociación para insultar ou para minar ós políticos que estamos no Concello é unha pena>.
Llano dille ó Vencello que <deben reflexionar para ver a onde chegan as súas responsabilidades, deben analizar como interpretan as cousas que escoitan e que non utilicen esas malas interpretacións como algo que no fondo é infantil e moi pouco responsable>.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
