NOTA DE PRENSA
O GMPP denuncia a perda dunha subvención para prevención da violencia de xénero.
Elisa Crego pregúntase para que tén Nieves Cando adicación exclusiva.
Os populares aseguran que o Bloque fala moito e non fai nada en materia de violencia de xénero.
O GMPP de Burela denunciou hoxe a través dunha nota de prensa a non concesión, por parte da Vicepresidencia da Igualdade e do Benestar ó Concello de Burela, dunha subvención para o desenvolvemento de programas experimentais e innovadores en materia de prevención e tratamento integral da violencia de xénero. Esto é o que se desprende dun escrito da Xunta rexistrado no concello a finais de Agosto e do que se deu conta na xunta de goberno de catro de Setembro.
Os populares, a través da súa concelleira Elisa Crego, consideran que Nieves Cando debería dar explicacións ó respecto, porque tén dedicación exclusiva, e leva persoalmente a delegación municipal de Servicios Sociais, Igualdade e Muller. Segundo Crego, Nieves Cando é a única responsable da perda da subvención por non ser capaz de definir as liñas políticas de actuación nesta materia.
Elisa Crego indicou que o importante, ademais da contía da subvención, que podería chegar hasta vinte mil euros, é o feito en si mesmo. Crego considera que se Cando perdeu esta subvención, pode perder outra, cun importe superior ou inferior, pero no campo do que estamos a falar tén unha enorme trascendencia, porque estamos ante unha lacra social que estamos vendo que a Xunta, desde a Vicepresidencia da Igualdade, tén pouco interese en eliminar: falan moito e non fan nada, todo é propaganda. Proba delo é que a orde pola que se fixaban tales subvenciòns so dispoñía de douscentos mil euros para toda Galicia.
Para Elisa Crego, esto demostra o escaso grado de implicación real do PSOE e do BNG en materia de prevención da violencia de xénero. Se se denega unha subvención a un concello coma Burela, que leva doce anos demostrando o seu compromiso coa igualdade, coa muller e coa inmigración, podemos entender tamén que non se creen xulgados específicos en materia de violencia de xénero en todas as cidades galegas, que tarden entre seis e dez meses en chegar as axudas ás mulleres maltratadas, e que se demore outro tanto a súa inclusión nas listas de demandantes de emprego con carácter preferente. E tamén se entende que só asignen douscentos mil euros para toda Galicia nesta liña de axudas.
Por último, os populares pregúntanse para que se lle paga con cartos de todos a Nieves Cando cerca de corenta e cinco mil euros anuais, porque con ese soldo debería de ter atadas e ben atadas todas as subvencións, especialmente as que convocan as consellerías “amigas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
