Nota de Prensa
O voceiro de Pesca dos populares galegos acusa a Carmen Gallego de “recortar as posibilidades de futuro” das máis de 25.000 familias galegas que dependen dese sector
O RECORTE DUN 11,8% NO PRESUPOSTO DE PESCA DE 2009 CONVIRTE A CARME GALLEGO NUNHA CONSELLEIRA CESADA
* Balseiro Orol reprocha á Xunta que reduza o orzamento de Pesca en 28 millóns de euros, mentres derrocha fondos públicos en coches oficiais, moqueta ou “exquisitas remodelacións da ala presidencial”
* No que vai de lexislatura, Pesca incrementou os gastos de persoal eventual de Gabinete nun 32,23% e os de propaganda nun 55,4%
Santiago, 30 de outubro de 2008.- Se ben o orzamento da media das consellerías que integran a Xunta de Galicia medrará un 4,2% no ano 2009, o presuposto da Consellería de Pesca sofrirá unha caída do 11,8%, o que representa un recorte de 28 millóns de euros. Para o voceiro de Pesca co Grupo Popular, José Manuel Balseiro, este recorte convirte, na práctica, a Carmen Gallego nunha “conselleira cesada”, responsable dun departamento que se tornou “residual, insignificante e minúsculo”.
Balseiro efectuou estas apreciacións na mañá de hoxe, durante a comparecencia parlamentaria na que a conselleira de Pesca explicou os orzamentos dese departamento para o ano 2009. O recorte operado nas contas desta Consellería revela, en opinión de Balseiro, que Carmen Gallego “non foi quen de demostrar ao resto dos seus compañeiros a importancia que ten a nosa pesca”.
O deputado popular apreciou que “a tixeira de Touriño e de Quintana recorta as posibilidades de futuro das máis de 25.000 familias que dependen, directa ou indirectamente, da pesca en Galicia”. Neste sentido, acusou a Carmen Gallego de se ter convertido na “responsable máxima de que a nosa pesca entre en recesión”.
CAMBIO DE PRIORIDADES
Con todo, para Balseiro Orol, o máis lamentable é o cambio de prioriodades operado no seo do Goberno bipartito, que recorta o orzamento de Pesca en 28 millóns de euros mentres derrocha fondos públicos en “novos coches oficiais, en moqueta e en exquisitas remodelacións da ala presidencial da Xunta”.
Nesta liña, o orador recordou que desde Pesca “non foron quen de pagar a factura da luz dos Gardacostas” no actual exercicio presupostario, a pesar de contar con 28 millóns de euros máis ca en 2009, e preguntou á conselleira “qué desafortunadas situacións teremos que ver agora que teñan degradado á súa consellería ao rango dunha simple dirección xeral”.
Na intervención de resposta á conselleira de Pesca, Balserio puxo sobre a mesa a escasa capacidade de execución presupostaria dese departamento: deixou sen executar o 48,9% do seu orzamento en 2007; mentres que en 2006 non chegou a executar o 69% do presuposto asignado.
SÓ MEDRAN OS GASTOS EN PROPAGANDA
A pesar de que o orzamento da Consellería de Pesca caerá case un 12% no ano 2009, ese departamento mantén, sen embargo o mesmo importe económico para gastos de persoal eventual de Gabinete, o que revela un incremento do 32,23% na actual lexislatura. “¿Qué sentido ten manter un equipo que cada vez o está a facer peor?”, preguntou Balseiro, que tamén reprochou a Pesca que, no que vai de lexislatura, Pesca teña incrementado nun 55,4% a partida de gastos de publicidade e propaganda da Secretaría Xeral.
Pola contra, todas as áreas esenciais sufrirán recortes importantes no ano 2009. É o caso do programa de ensinanzas pesqueiras, esencial para asegurar o futuro do sector, que rexistrará unha caída do 28,88%; Infraestruturas pesqueiras, cun descenso do 4,76%; o Plan Galego de Investigación, Desenvolvemento e Innovación Tecnolóxica, cun -6,09%; políticas pesqueiras, -11,15%; Competitividade e mellora da calidade da produción pesqueira e da acuicultura, -15,85%; ou promoción social e divulgación da tecnoloxía pesqueira, que descende un 41,68%.
Outros exemplos esgrimidos por Balseiro foron, entre outros, a desaparición dunha partida de 600.000 euros para axudas ás mariscadoras; ou a redución de máis de 400.000 euros nas transferencias de capital ao Intecmar.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
