Casas apuntaladas na rua Atalaia - Foto de arquivo de O Celeiriño
CELEIRO .- O barrio de O Celeiriño, na parroquia viveirense de Celeiro, viviu outro capitulo fora do guión previsto por técnicos e gobernantes. O día dous de outubro foi necesario que deixaran as vivendas dúas ducias de veciños ante o perigo de que se desmoronasen as súas casas ó ceder un muro de contención da obra de un edificio da rúa do Porto.
Os males deste barrio comezaron fai preto de ano e medio o ceder un muro que delimita un terreo da rúa do Porto co Celeiriño. Para remedialo construíuse un muro de contención perimetral no citado solar tratando de evitar que se derrubase a parte posterior e se danasen as vivendas, pero a contención cedeu e desprazouse varios centímetros, danando as casas, parte delas xa gretadas e apuntaladas por problemas anteriores a causa da mesma obra.
O mal causado fai meses no barrio de O Celeiriño segue sen solución e, fora de guión, desmoronase por capítulos mentres que técnicos e gobernantes non atopan a solución correcta.