BURELA .- A concelleira de Benestar Social, Neves Cando e o presidente provincial da Cruz Vermella, Luis Abelleira, asinaron esta mañá no Concello un convenio de colaboración para desenvolver ata o mes de xuño un programa destiñado aos enfermos de alzheimer e doutras demencias. Segundo Neves Cando o obxectivo “é mellorar a autonomía persoal así coma a integración e permanencia no medio familiar e social mentras sexa desexada e tamén pretende aumentar a capacidade para realizar distintas actividades sociais e psicosociais non só para as persoas que sofren esta enfermidade nas primeiras fases senón tamén para aquelas que padecen outro tipo de demencias ou para previr a súa aparición. O que se pretende é conseguir un maior apoio e participación dos familiares ou coidadores e aumentar a autoestima e potencias as habilidades sociais das persoas maiores do noso Concello”.
TRES OBRADOIROS
Grazas a este convenio desenvolveránse ata o mes de xuño tres obradoiros: os luns e mércores de 10 a 12 haberá un obradoiro de entrenamento de memoria e actividades da vida cotiá que ten coma obxectivo, segundo a edil nacionalista, “estimular a memoria e os recursos cognitivos existentes, favorecer o seu exercizo e preservar a memoria mediante o desenvolvemento das tarefas axeitadas”.
Os martes de 10 a 11 impartiráse un obradoiro de habilidades sociais “para desenvolver as habilidades da comunicación cun bó autocontrol emocional por parte da persoa”, segue a contar Neves Cando. E os venres de 10 a 11 haberá un obradoiro de expresión corporal e relaxación, “trátase de adquirir conciencia do momento e de axudar ao enfermo a minimizar o desgaste físico e emocional tanto nel coma nos propios familiares ou coidadores”.
Os interesados en participar neste programa poden inscribirse desde hoxe tanto nas oficinas municipais de Servizos Sociais coma na sede da Cruz Vermella en Burela.
Neves Cando engade que “con este programa queremos ofrecer un servizo máis aos veciños e veciñas de Burela neste caso atendendo a unha problemática moi concreta que é a do alzheimer e outras demencias. A finalidade é ralentizar o proceso de evolución desta enfermidade, previla e diminuir o impacto na familia. Trátase de conseguir que o enfermo estea ben atendido e que teña a maior calidade de vida posible e recoñer e comprender a enfermidade do alzheimer. É o primeiro paso para que coidadores e familiares poidan encauzar mellor os seus esforzos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
