RIBADEO .- A exposición “Os tempos son chegados” poderá verse na oficina de turismo de Ribadeo ata o día 15 de Outubro.
Esta mostra itinerante depende da concellería de Vicepresidencia da Xunta de Galicia e organizouse con motivo do centenario da primeira interpretación do himno galego que se cumpriu o 20 de decembro de 2007. O secretario xeral de Relacións Institucionais, Xoan Antón Pérez Lema, indicou que “primeiro esta exposición foi ás vilas dos autores da letra e da música do himno”.
NOTA DE PRENSA
A EXPOSICIÓN OS TEMPOS SON CHEGADOS ESTARÁ EN RIBADEO ATA O 15 DESTE MES.
Ribadeo, 1 de outubro de 2008. Desde hoxe e ata o 15 de outubro pode verse na oficina de turismo de Ribadeo a exposición Os tempos son chegados, que organizou a Vicepresidencia da Xunta con motivo do centenario da primeira interpretación do himno galego que se cumpriu o 20 de decembro de 2007. O secretario xeral de Relacións Institucionais, Xoan Antón Pérez Lema, que acudiu á presentación da mostra, asegura que <primeiro esta exposición foi ás vilas dos autores da letra e da música do himno. Estivo en Mondoñedo patria de Pascual Veiga e en Ponteceso patria de Eduardo Pondal e despois pasou polas cidades máis importantes de Galiza e polas vilas máis sobranceiras. Agora chega a Ribadeo e rematará o ano por Tui, Ourense e Carballo>.
Pérez Lema explica que <a exposición ten un carácter básicamente didáctico e é sinxela, xa que a Vicepresidencia o que pretende é darlle a coñecer ao pobo galego un símbolo tan importante da súa identidade nacional coma é o himno>. O secretario xeral de Relacións Institucionais asegura que <o pobo galego viviu unha situación de certo ou de bastante descoñecemento do seu pasado. A nosa xente descoñece a nosa historia, descoñece parte da nosa cultura e descoñece os símbolos nacionais e esta exposición o que pretende é dar unha idea do que é o noso himno, cal é o seu sentido…>.
Xoan Antón Pérez Lema engade que <partimos dunha idea fundamental de que non son os pobos que máis desprezan a súa historia, os seus signos de identidade, a súa cultura…os que máis avanzan e os que máis niveis de modernidade e desenvolvemento económico acadan. Si observamos, son moitas destas pequenas nacións europeas máis desenvolvidas as que máis cuidan e miran polo propio. Si descoñecemos a nosa historia, os nosos símbolos nacionais, as nosas características é moi difícil que poidamos ir con paso firme cara o futuro>.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
