RIBADEO .- O deputado do PP José Manuel Balseiro, publica un comunicado no que insiste na recuperación do Xulgado de Instrución e Primeira Instancia para Ribadeo. Considera que se non se ten feito ate de agro foi polo “intento de engano do BNG”, “os obstáculos postos polo PSOE e porque Zapatero fai oídos xordos”. Xustifica a súa proposta para o achegamento da administración de xustiza ao cidadán e fai unha enmenda aos orzamentos da Xunta para que inclúan unha partida que poda facer realidade o xulgado de Ribadeo.
NOTA DE PRENSA.
COMUNICADO OFICIAL
O Partido Popular de Galicia (PPdeG), a través do seu deputado autonómico José Manuel Balseiro Orol, ten reclamado en diversas ocasións a recuperación do Xulgado de Instrución e Primeira instancia de Ribadeo, unha vez constatado que, a día de hoxe, mudaron substancialmente as circunstancias que deron lugar á supresión deste servizo no ano 1967.
INTENTO DE ENGANO DO BNG
Rexeitamos, en concecuencia, que os deputados do Bloque Nacionalistas Galego intenten engañar e confundir aos veciños desta comarca, desvirtuando o contido da iniciativa que foi obxecto de debate na sesión plenaria do Parlamento de Galicia celebrada esta mañá.
Precisamente, o PPdeG reclamaba, de xeito expreso, no punto 6º da iniciativa que a Xunta de Galicia dispuxera das competencias exclusivas para promover a modificación da demarcación e planta xudicial dentro da nosa comunidade autónoma.
Se como teñen afirmado desde a Xunta, existe xa unha petición oficial da Consellería de Presidencia facendo efectiva esta reclamación ante o Goberno central, de levarse a cabo a nosa proposta obteríamos automáticamente o novo xulgado de Ribadeo.
Malia o expresado, PSOE en BNG votaron en contra da iniciativa do PPdeG, unha vez máis, evidenciando o desprezo do Goberno bipartito polas demandas dos galegos no ámbito da xustiza e polas iniciativas que pretenden avanzar no autogoberno. Dúas cuestións, por certo, que antes o BNG consideraba de interese prioritario.
SOCIALISTAS E NACIONALISTAS UN OBSTÁCULO
Ata o momento, socialistas e nacionalistas se teñen convertido nun obstáculo para aqueles que, como o Partido Popular de Galicia, están traballando na recuperación deste xulgado.
De feito, o Partido Popular rexistrou unha iniciativa na Cámara autonómica que, na súa literalidade, solicitaba “dirixirse ao Goberno central para que proceda á modificación puntual da actual Lei de Planta e Demarcación Xudicial, de tal xeito que se cree un novo partido xudicial na provincia de Lugo, en Ribadeo, no que inclúa un Xulgado de Primeira Instancia e Instrución nesta localidade”
Socialistas e nacionalistas rexeitaron esta petición, cando votaron na súa contra o 31 de marzo de 2008 no seo da Comisión de Xustiza da Cámara autonómica. Os partidos que conforman o actual Goberno galego impediron a obtención dun acordo unánime do Parlamento de Galicia e, non debemos esquecelo, entre os deputados que fixeron inviable esta petición está Iago Tabarés, do Bloque Nacionalista Galego.
O GOBERNO DE ZAPATERO FAI OIDOS XORDOS
Non debemos esquecer tampouco que, nas dúas ocasións nas que o Goberno socialista que preside Jose Luis Rodríguez Zapatero adoptou decisións en relación co mapa xudicial galego, esqueceu o xulgado de primeira instancia e instrución de Ribadeo.
Con data do 6 de xuño de 2008 o Consello de Ministros aprobou un Real Decreto polo que se creaban 146 novas unidades xudiciais, entre elas, 10 novos xulgados de instrución e 7 novas unidades en Galicia. Unha vez máis non se atopa a creación do Xulgado de Ribadeo.
Todo iso a pesar de ser unha reivindicación unánime das forzas locais no concello de Ribadeo, así como unha petición de sentido común en orde a racionalizar o mapa xudicial da Mariña lucense
APOSTA POLO ACHEGAMENTO DA ADMINISTRACIÓN DE XUSTIZA
O Partido Popular de Galicia mantén a súa disposición para traballar decididamente nos seguintes aspectos:
· Primeiro.- Demandar a creación dun novo partido xudicial en Ribadeo con xurisdición nos municipios da Mariña oriental.
· Segundo.- Promover a modificación da actual estrutura do partido xudicial de Mondoñedo para incorporar nel o municipio de Foz
· Terceiro.- Promover a modificaicón do partido xudicial de Viveiro de tal xeito que teña xurisdición sobre os concellos da Mariña occidental e Burela.
O PPdeG apoia estas petición subliñando a importancia de que se respecte unha dobre esixencia: Que se garanta a continuidade do xulgado de Mondoñedo e que se racionalice a carga de traballo que está a soportar un saturado partido xudicial de Viveiro.
O Partido Popular de Galicia a diferencia do que está a ser a tónica xeral do actual Executivo autonómico bipartito, aposta polo achegamento dos servizos áos cidadáns, por convertir a administración, e en especial á de xustiza, nun espazo próximo a quenes poden verse na necesidade de facer uso dela.
ENMENDA POPULAR AOS ORZAMENTOS DA XUNTA
A maiores, como mostra deste compromiso deste partido con esta reivindicación, xa adiantamos que o Grupo Parlamentario Popular presentará unha emenda no caso de que os orzamentos xerais da Xunta de Galicia para o 2009 -que están a confeccionar socialistas e nacionalistas- non inclúan unha achega especica para este novo xulgado.
O PPdeG quere garantír os investimentos precisos para poñer en servizo esta nova sede xudicial e, xunto a iso, que os veciños da Mariña occidental poidan dispoñer dunhas instalacións axeitadas a este novo servizo. Xa ben sexa adaptando as instalacións do actual xulgado de paz -que son as mesmas que ocupaba no seu día o xulgado de instrución e primeira instancia extinto- ou ben construíndo un novo edificio.
EMPRAZADO A UN DEBATE PÚBLICO
Finalmente o deputado autonómico do Partido Popular, José Manuel Balseiro empraza ao voceiro nacionalista de xustiza, Iago Tabarés a manter un debate público sobre esta cuestión, no día, lugar e hora que se acorde conveniente. Con toda probabilidade a posición do nacionalismo galego no Parlamento de Galicia obstaculizando en todo momento este obxectivo, avergonzará aos seus compañeiros do BNG de Ribadeo que, na figura do seu alcalde, e co unánime apoio do resto das formacións políticas, veñen a reclamar un compromiso máis firme do actual Executivo galego.
Pola contra, a coherencia amosada polo PPdeG que mantén o mesmo discurso na Mariña lucense, en Santiago e en Madrid, servirá para poñer de relevo cales son as forzas que traballan en interse dos veciños desta comarca, desde un punto de vista construtivo, e facéndose eco das reivindicacións máis salientables dos mariñáns, entre as que está, a aposta pola mellora e racionalización do actual mapa xudicial.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
