A MARIÑA .- O deputado autonómico do Partido Popular, José Manuel Balseiro Orol, asegura que a Consellería de Sanidade creou unha “comisión sanitaria de participación cidadá na que non se encontran representados ningún colectivo veciñal da Mariña lucense” e anuncia que o PP pedirá que Sanidade corrixa “esta grave anomalía outorgando a representación debida aos veciños da Mariña”. Balseiro Orol indica que a normativa “establece de xeito expreso que os representantes dos veciños nas comisións de participación cidadá deben ser asociacións con ámbito de actuación na súa área sanitaria”.
Nota de Prensa
Jose Manuel Balseiro está convencido de que a mala xestión do Goberno bipartito, ao longo destes tres últimos anos, está a traer consigo un “continuo proceso de degradación do sistema sanitario público na nosa comarca”
A AUSENCIA DE VECIÑOS DA MARIÑA LUCENSE NA COMISIÓN SANITARIA DE PARTICIPACIÓN CIDADÁ É “UNHA MOSTRA MÁIS DA LARGA LISTA DE DESPROPÓSITOS” NA QUE A XUNTA ESTÁ A INCORRER COA SANIDADE COMARCAL
o O PPdeG reclamará que o departamento que dirixe a socialista Maria José Rubio Vidal ofreza no Parlamento galego as explicacións oportunas e corrixa de inmediato esta “grave anomalía” outorgando a representación debida aos veciños da Mariña neste órgano chamado a controlar os problemas da sanidade comarcal.
o As largas listas de espera, os enganos sobre a incorporación de novos especialistas en servizos tan saturados como o de cardioloxía, a negativa a levar adiante a ampliación do Hospital da Costa ou o gasto de preto dun millón de euros en publicidade e propaganda, forman parte tamén da larga lista de despropósitos cos que Sanidade está a “faltar ao respecto a todos os mariñáns”.
A Mariña, 16 de setembro de 2008.- O deputado autonómico do Partido Popular de Galicia (PPdeG) José Manuel Balseiro Orol afirma que a Consellería de Sanidade está a ofrecer un capítulo máis da larga lista de despropósitos que caracteriza a xestión do Goberno galego en relación co sistema público de saúde na nosa comarca. O parlamentario mariñán critica que o departamento que dirixe a socialista María José Rubio Vidal veña de crear unha comisión sanitaria de participación cidadá na que non se encontran representados ningún colectivo veciñal da Mariña lucense. Todo iso malia que a normativa autonómica que regulamenta este tipo de comisións establece de xeito expreso que os representantes dos veciños nas comisións de participación cidadá deben ser asociacións con ámbito de actuación na súa área sanitaria.
Balseiro entende como unha “burla a todos os veciños” que todos os membros da comisión de participación sanitaria con ámbito de influencia nos concellos da Mariña lucense (todos excepto no da Pontenova), pertenzan a asociacións veciñais radicadas na capital provincial, na cidade de Lugo e, ningún deles, a colectivos radicados na nosa comarca”.
NINGÚN OFRECEMENTO A ASOCIACIÓNS DA MARIÑA
Segundo parece, o Servizo Galego de Saúde unicamente limitouse a ofrecer á Federación de Asociacións de Veciños de Lugo a posibilidade de nomear a estes representantes, baseándose nun dato erróneo, isto é que esta organización aglutina a totalidade dos colectivos cidadáns da provincia. Esta decisión de Sanidade provocou que só veciños da cidade de Lugo son chamados polo SERGAS para defender os intereses dos usuarios do servizo de saúde mariñán.
INICIATIVA PARLAMENTARIA
A reacción do PPdeG non se fixo esperar e no día de hoxe rexistrou unha iniciativa a través da que reclamará que os máximos responsables do departamento que dirixe a socialista Maria José Rubio Vidal ofrezan no Parlamento galego as explicacións oportunas respecto desta situación. Xunto a iso, os populares demandan que Sanidade corrixa de inmediato esta “grave anomalía” outorgando a representación debida aos veciños da Mariña neste órgano chamado a controlar, e propoñer posibles solucións, os problemas da sanidade comarcal.
Balseiro Orol esixe “datas concretas e compromisos firmes para reverter esta situación” e empraza ao Goberno galego a revisar estes feitos pois “o ben o SERGAS na Mariña está a incumprir a normativa vixente, ou ben a normativa vixente permite que se produzan estas anomalías que precisan dunha urxente corrección” En todo caso, “estes feitos din moito da pouca estima que os señores do PSOE e do BNG ofrecen a este tipo de comisións de participación cidadá e do pouco interese que amosa o seu futuro presidente, o director xerente do Hospital da Costa, por outorgar a representación debida aos veciños da Mariña, bos coñecedores das dos problemas que ten o Hospital da Costa e os centros sanitarios locais”
CONTINUO PROCESO DE DEGRADACIÓN DA SANIDADE PÚBLICA
“Ás largas listas de espera, aos enganos sobre a incorporación de novos especialistas en servizos tan saturados como o de cardioloxía, á negativa a levar adiante a ampliación do Hospital da Costa ou ao gasto de preto dun millón de euros en publicidade e propaganda, que forman parte da larga lista de despropósitos cos que Sanidade parece faltar ao respecto a todos os mariñáns, debemos engadir hoxe esta novo capítulo, tan inaceptable como impropio daqueles que están chamados a xestionar os intereses de todos os veciños no ámbito da protección da saúde” -afirma o deputado popular.
Como conclusión, Balseiro amósase convencido de que a mala xestión do Goberno bipartito está a traer consigo un “continuo proceso de degradación do sistema sanitario público na nosa comarca”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
