CERVO.- O deputado autonómico do PP, José Manuel Balseiro Orol vai reclamar que Xunta elabore un plan de coche que favoreza ao pequeno comercio para axudar a superar actual crise. A iniciativa xorde das protestas e preocupacións que mostran as pequenas empresas e da importancia que ten o pequeno comercio para a economía e adinamización das localidades de A Mariña.
NOTA DE PRENSA
Os populares xa alertaron ante a posibilidade de que o contexto económico actual, moi desfavorable para as pequenas empresas, e a falta de axudas da administración autonómica, traia consigo o peche de moitos establecementos na nosa comarca
BALSEIRO RECLAMA UN PLAN DE CHOQUE QUE FAVOREZA AO PEQUENO COMERCIO ANTE A AGUDIZACIÓN DA CRISE
o O deputado do PPdeG adianta que a próxima sesión plenaria do Parlamento de Galicia reclamarán un paquete de medidas en apoio do comercio retallista
A Mariña, 08 de setembro de 2008.- O deputado autonómico do Partido Popular de Galicia, José Manuel Balseiro Orol vén de reclamar que a Xunta elabore un plan de coche que favoreza ao pequeno comercio ante a asfixia que para estas empresas está a supoñer a agudización da actual crise. Os populares xa alertaron en pasadas datas ante a posibilidade de que o contexto económico actual, moi desfavorable para as pequenas e medianas empresas e para os cidadáns con rendas medias e baixas, sumando á falta de axudas por parte das distintas administracións, traia consigo o peche de moitos establecementos na comarca e, en consecuencia, a perda de riqueza e de moitos empregos.
Unha vez máis a preocupación xorde como consecuencia das informacións que están a chegar ás oficinas parlamentarias que o PPdeG ten nas localidades de Viveiro e Ribadeo. Nelas, acumúlanse as queixas de titulares de establecementos comerciais, e pequenas empresas, que denuncian a falta de atención das distintas consellerías e as dificultades coas que se atopan á hora de facer cadrar as contas que lles permitan chegar a fin de mes. O deputado popular lembra que, de xeito especial nos concellos máis poboados da Mariña, pero tamén no resto dos municipios, o comercio e as pequenas empresas constitúen unha fonte de emprego importante para moitos veciños da nosa comarca e, por todo iso, non comprende a falta de apoio que caracteriza, respecto deste sector, o comportamento do Goberno bipartito actual.
AS VENDAS CAERON UN 25-30%
Pero, o PPdeG non se limita a facer pública esta alerta se non que ofrece unha serie de propostas que considera “necesarias e urxentes” co obxecto de “contribuír á superación da situación actual”. Así por exemplo, o deputado mariñán adianta que, o seu Grupo Parlamentario defenderá unha iniciativa na próxima sesión plenaria da Cámara autonómica, a través da que trasladarán á Xunta a posta en marcha, con carácter inmediato, dun plan de choque para combater os efectos da intensa crise económica que afecta con dureza a este sector.
Segundo os datos oficiais manexados polo PPdeG no primeiro semestre deste ano os comercios viron como as vendas se reduciron entre un 25% e un 30%. As primeiras consecuencias non tardaron en aparecer e, de feito, xa se rexistraron peches de pequenos establecementos de carácter familiar, mentres se ralentizou a apertura de novas tendas.
PROPOSTAS: FINANCEIRAS, FORMATIVAS, ADMINISTRATIVAS
A primeira das medidas incluídas no plan de coche é a de potenciar unha maior adecuación dos produtos financeiros, que ofertan bancos e caixas, ás necesidades dos comercios, mediante un proceso de negociación da Xunta coas entidades crediticias.
Paralelamente, os populares galegos apuntan a necesidade de deseñar un programa específico para mellorar a capacitación profesional dos traballadores do sector do comercio, potenciando aspectos como as técnicas de venda, trato ao cliente, manexo de novas tecnoloxías, así como coñecemento e emprego das linguas estranxeiras, pensando no turismo, entre outras.
Nunha situación de intensa crise como a que atravesa o sector comercial galego, Balseiro Orol tamén chamou a atención sobre os atrancos adicionais aos que a Xunta pode someter ao sector a curto prazo e, para evitalos, pide que se garanta que a rotulación, sinalética e documentación comercial poda efectuarse no idioma que libremente elixa o titular do establecemento. O PPdeG anima a impulsar a incorporación da lingua galega como factor de diferenciación comercial, pero sen que iso supoña a exclusión do seu uso.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
