CERVO .- O Grupo Municipal do BNG retirará unha moción presentada fai dous meses na que se instaba ao goberno municipal “facer tódalas xestións necesarias para a posta en marcha no concello de Cervo dun servizo de recollida de aceite de cociña”. O cambio de postura dos nacionalistas debese ó anuncio “da posta en marcha deste servizo por parte do concelleiro de Medio ambiente”.
Nota de Prensa
O BNG RETIRARÁ UNHA MOCION PRESENTADA O 16 DE XULLO QUE INSTABA AO GOBERNO MUNICIPAL Á RECOLLIDA DE ACEITE DE COCIÑA USADO.
Damos por satisfeita esta demanda após o anuncio do goberno municipal da posta en marcha desta iniciativa, agardando se faga realidade no prazo mais breve posíbel.
O Grupo Municipal do BNG retirará na Comisión de asuntos do pleno a moción presentada o pasado 18 de xullo na que se instaba ao goberno municipal facer tódalas xestións necesarias para a posta en marcha no concello de Cervo dun servizo de recollida de aceite de cociña usado. Co anuncio da posta en marcha deste servizo por parte do concelleiro de Medio ambiente, Sr. Basanta, damos por satisfeita esta demanda e agardamos que do xeito mais dilixente posíbel se faga efectiva para evitar os prexuízos que esta vertedura está a causar ao medio natural.
Os refugallos do aceite usado pola elaboración de alimentos tanto nas vivendas de particulares como de bares e restaurantes causan un importante efecto nocivo para o medio ambiente, ademais de provocar atascos tanto nas redes particulares como nas xerais de saneamento. Calcúlase que un só litro de aceite pode contaminar en torno a 100 litros de auga e que por cada 4 persoas prodúcense ao ano aproximadamente de 18 a 21 litros de aceite usado co que os 4740 habitantes censados no concello tirarían polo vertedoiro en torno a 20.000 litros ao ano.
Falta de iniciativa municipal:
Aínda aplaudindo reacción do goberno municipal diante desta proposta nacionalista, debemos lamentar a falla de iniciativa do PP nesta materia xa que mentres numerosos concellos xa contan con este servizo dende fai tempo, no concello de Cervo tivo que ser o BNG dende a oposición quen tomara a iniciativa.
Tardanza na celebración de plenos:
A celebración de plenos ordinarios acordada no acto de constitución da actual corporación cada dous meses acumula xa 1 mes de atraso ao celebrarse o último o 13 de xuño, sen que ate o momento se convocara comisión, impedindo o debate de asuntos que quedan desfasados polo paso do tempo, así os plenos da corporación que son o máximo órgano de representación e debate político da sociedade cervense perden sentido xa que ademais de acumular importantes demoras, unha boa parte das súas competencias están cedidas á Xunta de Goberno impedindo o debate democrático cos grupos da oposición.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
