*José Manuel Balseiro Orol .- O cambio de posición do Bloque Nacionalista Galego (BNG), formación política que agora parece amosarse disposta a apoiar os orzamentos xerais de Zapatero ainda a pesar de que non contemplen o proxecto de apertura ao tráfico comercial xeral do dique norte de ALCOA, constitúe un portazo ás espectativas dos veciños da Mariña lucense.
Os responsables comarcais desta formación política ano tras ano, cando chega a hora de negociar as contas polas que se rexerá a actuación do Goberno central, falan de condicionar o seu apoio á consecución deste proxecto. Pero, cando chega á hora da verdade, esquecen as súas promesas, traicionan os seus compromisos e ceden ante as presións dos socialistas. O prezo a perder, a moqueta e o coche oficial, parece ser unha tentación demasiado irresistible para os nacionalistas galegos.
Se ben é certo que a mobilización social promovida polo BNG a prol do novo porto comercial de San Ciprián foi un fracaso. Isto non se debe ao desinterese duns veciños que son moi conscientes dos beneficios que esta nova infraestrutura leva. Máis ben foi consecuencia do rexeitamento a unha forma de facer política, que agocha un dobre discurso, bipolar, onde os nacionalistas ao día seguinte desdícense do dito. Non se pode reclamar unha cousa na Mariña e vetar a mesma nas Cortes Xerais.
O Partido Popular entende que a apertura ao tráfico xeral comercial do dique norte que na actualidade xestiona a multinacional ALCOA, constituiría un gran avance do que se beneficiarían o conxunto dos veciños desta comarca. Por iso, estamos dispostos a defender a creación dun novo porto comercial na Mariña lucense, aproveitando a potencionalidade e a infrestrutura que xa dispón o dique de Morás. Xunto a iso, a creación dunha autoridade portuaria propia, permitiría que os beneficios desta nova infraestrutura reverteran só na nosa comarca, e serviría para autofinanciar o investimento realizado.
Os populares, traballaremos desde as nosas distintas responsabilidades para facer realidade este propósito. Non podemos renunciar a un proxecto que constituiría un avance significativo, só comparable ao que no seu día supuso a apertura da multinacional do alumnio para todos os mariñáns. Máis oportunidades de emprego, achegamento e creación de novas empresas, unha saída ao mar de moitas das materias primas que aquí se producen (madeira, peixe conxelado,…). En definitiva, máis e mellor riqueza.
O PPdeG traballará para facer realidade esta reivindicación dos veciños da Mariña lucense, e para que os orzamentos de 2009 contemplen este obxectivo. Ogallá a emenda ás contas xerais do Estado que promoverá o Partido Popular conte co apoio do BNG. A apertura do dique norte de ALCOA e a creación da Autoridade Portuaria de Lugo, non deberan ser uns compromisos que dependan da oportunidade política de turno. Mais, desgrazadamente, o BNG na Mariña lucense deixou de ser un partido de fiar.
*José Manuel Balseiro Orol é secretario provincial do PPdeG e parlamentario galego
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
