FOZ.- O BNG emitiu hoxe unha nota de prensa na que o Consello da Xunta de Galicia do 27 de maio de 2004 recollía no Plan sectorial de Áreas Empresariais as actuación do Parque Empresarias Xove-Cervo e que xa se teñen executado actuacións nos diferentes parques empresariais de A Mariña. Afirman que no DOG do 7 de agosto inícianse os trámites para a execución das obras necesarias nos parques empresariais.
NOTA DE PRENSA.
Os nacionalistas afirman que o PP esta subido o carro do eleitoralismo
O BNG garante a execución do Parque Empresarial Xove-Cervo
O Plan sectorial de Áreas Empresariais na Comunidade Autónoma de Galicia aprobado por acordo do Consello da Xunta de Galicia de 27 de maio de 2004 recollía diferentes actuacións no conxunto de Galiza entre as que se atopaba o Parque Empresarial Xove-Cervo. Ha que ter en conta que conforme a este Plano a Consellaría de Vivenda e Solo executou na Comarca da Mariña as seguintes actuacións: Barreiros (actuación desenvolta mediante Plan Parcial), Viveiro (actuación desenvolta mediante Plan Parcial), Foz (actuación desenvolta mediante Plan Parcial), Lourenzá (actuación desenvolta mediante Plan Parcial) e Mondoñedo.Isto é o goberno do nacionalismo permitiu desenvolver as actuacións para dotar A Mariña de solo industrial.
Mediante resolución do 1 de agosto, publicado do DOG do 7 de Agosto, faise pública a parte dispositiva do acordo do Consello da Xunta de Galicia, do 31 de xullo de 2008, polo que se declarara o inicio dos trámites para deixar sen efecto o Plan Sectorial de Ordenación de Áreas Empresarias na Comunidade Autónoma de Galicia aprobado por acordo do Consello da Xunta de Galicia de 27 de maio de 2004. A razón desta resolución non é outra que poder definir un novo plano de execución de parques empresariais, unha vez que o aprobado en 2004, estaba practicamente executado. Xa que logo a resolución de 1 de Agosto non é máis que unha decisión procedimental e neste sentido desde o BNG garantimos a execución do Parque Empresarial Xove-Cervo. Hai que ter en conta que o anel industrial arredor de Alcoa segue a ser unha demanda estratéxica da Comarca e neste sentido a vontade do Goberno Galego é proceder a súa execución.
Non nos din nada os Alcaldes de Xove e Cervo cando afirman que existen empresas que precisan de solo nesa zona, posto que é algo que coñecemos.É máis, os nacionalistas xa temos mantido varias reunións desde 2005 coas mesmas a fin de poñer en marcha ese solo. Agora ben, o que non é de recibo que os Alcaldes de Xove e Cervo pretendan confundir aos veciños da zona, ao afirmar que unha decisión simplemente procedimental, que non compromete a execución da obra, pon en risco o desenvolvemento dese solo industrial. Na mesma liña parécenos lamentábel que coñecendo os rexedores de Xove e Cervo esta decisión desde o 7 de Agosto, por ser pública, pretendan agora denuncia-la como se fora descoñecida.Non hai máis explicación que a que nos leva pensar que se pretende facer electoralismo con estas declaracións.
O Bloque Nacionalista Galego ten demostrado na súa acción de goberno o seu compromiso nidio coa potencionamento e a posta en valor das infraestruras industriais en Xove e Cervo. Concretamente dotando o Parque de Cervo de gas natural e desenvolvendo a terceira fase do Polígono de Lieiro. No caso de Xove dotando o polígono da Camba de adsl. Na mesma liña, comprometemos a execución Parque Empresarial Xove-Cervo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
