SAN CIBRAO .- O director xeral de Patrimonio Cultural da Xunta de Galicia, Felipe Árias, non clarexou o deputado popular, José Manuel Balseiro Orol, “como pretende protexer, preservar e poñer en valor” o xacemento arqueolóxico de A Atalaia, no que apareceron restos arqueolóxicos, tras iniciarse as obras de construción dun bloque de edificios. O deputado do PP, José Manuel Balseiro Orol, interesouse polas “previsións da Xunta de Galicia ao respecto destes restos de interese arqueolóxico alí aparecidos” e según afirma o PP, o responsable de Patrimonio, Felipe Arias, “non quixo clarexar esta cuestión baseándose en que aínda existen informes pendentes”.
Nota de Prensa
Jose Manuel Balseiro forzou a comparecencia deste alto cargo da Consellería de Cultura co obxecto de que dera explicacións sobre as xestións que a Xunta de Galicia ten previsto desenvolver en relación cos restos arqueolóxicos aparecidos na península de San Ciprián
O DIRECTOR XERAL DE PATRIMONIO NON ACLARA COMO PRETENDE “PRESERVAR, PROTEXER E POÑER EN VALOR” O CASTRO DA ATALIA
o A Xunta confirma que está a permitir a construción dun edificio nunha parcela na que existen 68 metros cadrados con valiosos restos arqueolóxicos.
A Mariña, 15 de setembro de 2008.- O director xeral de Patrimonio Cultural da Xunta de Galicia, Felipe Árias, non quixo clarexar como pretende “protexer, preservar e poñer en valor” o xacemento arqueolóxico Punta Atalaia, situado na península de San Ciprián, no municipio lucense de Cervo, zona na que apareceron restos dun asentamento castrexo galaico-romano, tras iniciarse as obras de construción dun bloque de edificios. O deputado popular José Manuel Balseiro Orol forzou a comparecencia parlamentaria deste alto cargo da Consellería de Cultura na Cámara autonómica na tarde de hoxe, co obxecto de que explicase as previsións da Xunta de Galicia ao respecto destes restos de interese arqueolóxico alí aparecidos Pese a iso, Felipe Arias, non quixo clarexar esta cuestión baseándose en que aínda existen informes pendentes, que están a ser elaborados polos técnicos da Consellería de Cultura.
SILENCIO OFICIAL
Ata o momento o departamento que dirixe a nacionalista Anxela Bugallo non deu ningún tipo de explicación oficial. Gardaba silencio ante as peticións do Alcalde de Cervo e de varias asociacións para que explicase a fórmula que desde Cultura tiñan pensado levar a cabo para protexer estes restos. “Hoxe coñecemos cal é o motivo” –engade Balseiro- “Do debate da mesma deducimos que a pesar do tempo transcorrido desde que en abril de 2007 inventariaron este xacemento arqueolóxico Cultura aínda non ten claro que vai a facer cos restos do castro alí presentes” –conclúe o deputado autor da iniciativa parlamentaria- “Non sabemos se a Xunta de Galicia vai a liberar os terreos, adquirindo a súa propiedade, ou se pola contra permitirá a construción dun edificio sobre un castro que segundo eles mesmo afirman ten gran valor”
CULTURA AUTORIZA A CONSTRUCIÓN SOBRE O CASTRO
Pero sen dúbida a cuestión que máis chama a atención dos populares é o feito de que Felipe Árias confirmou que a Consellería de Cultura está a permitir a construción sobre a primeira das tres parcelas que son obxecto do análise arqueolóxico. “Todo iso malia que recoñece que alí existen aínda 68 metros cadrados sen alterar” polas obras de construción que alí se desenvolveron. “Falamos dunha pacela na que aínda existe un área previsiblemente fértil desde o punto de vista arqueolóxico e que agora quedará sepultada baixo o futuro edifico”- aclara Balseiro.
A este respecto o deputado popular fixo un chamamento aos veciños de San Ciprián e ás organizacións ecoloxistas que se teñen interesado sobre esta cuestión para que dean a súa opinión sobre este “incomprensible comportamento da Consellería de Cultura” que, “sabedora de que alí existen restos arqueolóxicos, está a permitir a construción dun edificio sobre os mesmos”
PETICIÓN OFICIAL PARA RESCATAR O TERREO
O deputado popular lembrou que o Concello de Cervo ten aprobado un acordo plenario polo que insta á Xunta de Galicia a protexer, preservar e poñer en valor este xacemento. A mesma petición será obxecto dun futuro debate no Parlamento de Galicia xa que o Grupo Parlamentario Popular rexistrou unha iniciativa que coincide con esta mesma petición “Todo iso tras ver a lentitude coa que está a actuar Cultura, as reticencias que parecen ter os dirixentes de este organismo para protexer os restos alí achados e, finalmente, para garantir que no futuro seguirán presentes un castro que constitúe unha pegada viva da nosa historia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
