CERVO .- O BNG de Cervo asegura que o “concello coñecía en 2005 a existencia de restos arqueolóxicos na Atalaia” e o goberno municipal “nin cumpriu a lexislación de patrimonio, nin recoñeceu a existencia do Castro da Atalaia ate fai escasos meses”. Os nacionalistas aportan o dato de que se presentou un recurso “asinado polo Alcalde con data 26 de xuño de 2007 con rexistro de saída nº 2453 contra a inclusión deste castro no inventario de xacementos arqueolóxicos da Dirección Xeral de Patrimonio para a súa protección”. Asímesmo o BNG afirma que o concello “e a única administración denunciada pola fiscalía por destrución do patrimonio” e que “a estratexia do PP lonxe de solucionar nada só busca a promoción persoal de José Manuel Balseiro”
Nota de Prensa
O BNG LEMBRALLE AO PP DE CERVO QUE A UNICA ADMINISTRACIÓN DENUNCIADA POLA FISCALIA POR DESTRUCCIÓN DO PATRIMONIO E O CONCELLO.
O Concello coñecía en 2005 a existencia de restos arqueolóxicos na Atalaia e non pediu informes a Patrimonio antes de conceder as licenzas.
A estratexia do PP lonxe de solucionar nada só busca a promoción persoal de José Manuel Balseiro.
O goberno municipal nin cumpriu a lexislación de patrimonio, nin recoñeceu a existencia do Castro da Atalaia ate fai escasos meses, chegando incluso a presentar recurso asinado polo Alcalde con data 26 de xuño de 2007 con rexistro de saída nº 2453 contra a inclusión deste castro no inventario de xacementos arqueolóxicos da Dirección Xeral de Patrimonio para a súa protección.
O PP de Cervo non está en condicións, e moito menos o goberno municipal que apoia, de dar leccións a ninguén sobre a protección deste castro xa que foron os principais responsábeis da súa destrucción parcial ao non tramitar unha orde de paralización emitida pola Delegación Provincial de Cultura que non foi cumprida ate 5 días despois da súa notificación, permitindo a destrucción case total do xacemento e obrigando á apertura de dilixencias pola Fiscalía de Lugo e ao estudo dos restos depositados nun vertedoiro de Morás.
Inmoralidade e desvergoña:
A inmoralidade e desvergoña do goberno municipal non ten límites, xa que a pesar do coñecemento de informes que reclamaban a protección do xacemento dende o ano 2005, a pesar do coñecemento da aparición do Concheiro do Castro en agosto de 2006 nunhas obras de cimentación que o propio concello promovía para construír un mirador na zona; foron incapaces por un principio de prudencia e de acordo coa lexislación de pedir informes a Patrimonio antes da concesión das licenzas en novembro e decembro de 2006 e abril de 2007.
Cambio de actitude municipal:
O Goberno municipal e o PP de Cervo negáronsese a admitir a existencia do xacemento e acusou ao BNG de inventarse un castro inexistente durante moito tempo, chegando incluso a difundir a idea de que membros do BNG depositaban na zona restos inexistentes. Non foi ate a presentación de mais de 300 sinaturas recollidas entre os veciños que reclamaban a súa protección cando se produciu un cambio de actitude que pretendía lavar as mans das responsabilidades municipais para trasladalas a Patrimonio e facelo obxecto de ataques continuados en tódalas instancias posíbeis co especial protagonismo do Tte. Alcalde e parlamentario Sr. Balseiro que pasou de ser cómplice na destrucción do xacemento a reclamar insistentemente a súa protección, como si esto non se estivera facendo xa dende fai tempo a pesar das trabas que el e o goberno do que forma parte puxeron dende o principio.
A ilegalidade das licenzas:
Como xa é coñecido 60 veciños e ADEGA presentaron recursos o pasado 1 de agosto reclamando a anulación das licenzas concedidas na Atalaia polo goberno municipal cunha argumentación clara, a inexistencia de informes previos de Patrimonio e a falla de Estudo de Detalle que esixe a normativa urbanística municipal previo á concesión das licenzas, este recurso aínda non foi contestado polo concello que de non atender este requirimento, o BNG trasladará en forma de denuncia aos xestores de Urbanismo da Xunta de Galiza e pola vía xudicial se fose preciso.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
