CERVO .- As escolas deportivas de Cervo amplíanse este ano ofertando actividades para os maiores da capitalidade municipal. A responsable da área de Deportes, Yolanda Pedreira, asegurou que “ata o de agora estabamos a facer este tipo de actividades tan só en san Ciprián, pero en vista da demanda da zona do rural optamos por ofertar actividades tamén en Cervo”. Yolanda Pedreira estivo acompañada da concelleira de Cultura, Chelo Gallego, no acto de presentación das actividades das escolas deportivas.
Nota de Prensa
AS ESCOLAS DEPORTIVAS AMPLIARÁN A SÚA OFERTA PARA FOMENTAR A PRÁCTICA DO DEPORTE ENTRE OS VECIÑOS
Cervo, 5 de setembro de 2008.- Cervo contará por segundo ano consecutivo con escolas deportivas municipais. A presentación foi hoxe pola mañá, a cargo das concelleiras Yolanda Pedreira e Chelo Gallego; concelleiras de Deportes e de Cultura respectivamente.
As responsables municipais subliñaron a aposta do goberno local por fomentar o deporte “non só para os máis pequenos, senón para todos os veciños en xeral” e afirmaron que ao igual que o ano pasado, as actividades a desenvolver nesta edición 2008-2009 iranse axustando ás demandas dos alumnos.
Segundo explicou Yolanda Pedreira está previsto que inicialmente se oferten xogos psicomotrices e predeportivos para os máis pequenos; ximnasia de mantemento, aeróbic, bádminton, ping-pong, tai-chi, patinaxe artística ou ximnasia rítmica, ademais doutros máis estendidos como baloncesto, fútbol sala ou tenis.
NOVIDADES
A responsable da área de Deportes adiantou tamén que unha das novidades deste ano será a ampliación de actividades para maiores no núcleo de poboación de Cervo. “Ata o de agora estabamos a facer este tipo de actividades tan só en san Ciprián, pero en vista da demanda da zona do rural optamos por ofertar actividades tamén en Cervo” indicou Pedreira.
Así mesmo, a edil lembrou que o Concello seguirá proporcionando a equipación deportiva aos participantes destas actividades. Por último, Pedreora sinalou que a presentación oficial das escolas terá lugar o vindeiro venres, día 12, ás oito da noite no salón de plenos da Casa do Concello.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
