A MARIÑA .- O secretario xeral do Servizo Galego de Saúde, Cayetano Rodríguez Escudero, informou hoxe que o cadro de “persoal de Cardioloxía do Hospital da Costa está composto por tres cardiólogos coa titulación vía MIR”. Respecto da espera media que se está a rexistrar ns consultas de Cardioloxía deste centro, Rodríguez Escudero sinalou que “en base aos últimos datos de 30 de xuño de 2008, sitúase en 87 días, tal como figura na información que é pública. . Tamén indicou que “a utilización dunha consulta de medicina interna centalizada como filtro e valoración previa a outras especialidades é unha práctica de lóxica organizativa”.
Nota de Prensa
O SECRETARIO XERAL DO SERVIZO GALEGO DE SAÚDE REITEROU HOXE NO PARLAMENTO DE GALICIA QUE AS MELLORAS QUE SE ESTÁN A PRODUCIR NO HOSPITAL DA COSTA SON FROITO DA PLANIFICACIÓN
* A utilización dunha consulta de medicina interna centalizada como filtro e valoración previa a outras especialidades é unha práctica de lóxica organizativa para adecuar a demanda á oferta de cada especialidade
Santiago de Compostela, xoves 18 de setembro de 2008.- O secretario xeral do Servizo Galego de Saúde, Cayetano Rodríguez Escudero, dixo hoxe, na Comisión 5ª do Parlamento de Galicia, que as melloras que se están a producir na asistencia sanitaria dos habitantes da Mariña luguesa, son froito da planificación que agora impera na Administración sanitaria.
O representante da sanidade pública galega reiterou que o Hospital da Costa conta, trala última Oferta Pública de Emprego do Servizo Galego de Saúde, cun novo cardiólogo que ten a súa praza en propiedade. Sinalou, ademais, que existe un médico especialista en medicina interna que está a prestar os seus servizos especializados cun contrato de longa duración dende xuño do pasado ano.
O cadro de persoal de Cardioloxía do Hospital da Costa está composto por tres cardiólogos coa titulación vía MIR, feita en hospitais de España, concretamente en Oviedo, Valdecilla e A Coruña. Recordou, así mesmo, que o internista e tamén vía MIR, e ten feita a súa especialidade no Hospital Xeral de Lugo.
Cayetano Rodríguez Escudero remarcou que no Hospital da Costa existe, dende hai un tempo, unha consulta de medicina interna centralizada, que fai de filtro e valoración previa a outras especialidades, coma pode ser Dixestivo, Endocrinoloxía e Cardioloxía. Estas consultas de filtro son normais en varios hospitais do Servizo Galego de Saúde e do Estado, e responden á lóxica organizativa para adecuar a demanda á oferta da especialidade concreta. Polo tanto, non é un feito singular do hospital, senón, algo común e que se leva facendo neste centro dende o ano 2003, xa con anteriores equipos directivos.
Respecto da espera media que se está a rexistrar ns consultas de Cardioloxía deste centro, Rodríguez Escudero sinalou que en base aos últimos datos de 30 de xuño de 2008, sitúase en 87 días, tal como figura na información que é pública.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
