FOZ .- A Consellería de Vivenda e Solo, que dirixe Teresa Táboas, adxudicou 39 vivendas de protección autonómica (VPA) en Foz a través do Rexistro Único de Demandantes de Vivenda Protexida. As vivendas foron sorteadas ante notario entre as persoas inscritas no rexistro cuxas solicitudes se axustaban ás características destas vivendas protexidas. As listas de adxudicatarios provisionais e de espera poden consultarse no taboleiro de anuncios da Delegación Provincial e na páxina web da Consellería.
Fonte
A Consellería de Vivenda e Solo adxudica 58 vivendas na provincia de Lugo a través do Rexistro Único de Demandantes de Vivenda Protexida
As listas de adxudicatarios provisionais e de espera poden consultarse no taboleiro de anuncios da Delegación Provincial e na páxina web da Consellería www.conselleriavivenda.xunta.es
Santiago de Compostela, 9 setembro 2008.- A Consellería de Vivenda e Solo, que dirixe Teresa Táboas, adxudicou 58 vivendas de protección autonómica (VPA) na provincia de Lugo a través do Rexistro Único de Demandantes de Vivenda Protexida. Trátase de 39 vivendas en Foz, 14 vivendas en Lugo e 5 en Sarria, que foron sorteadas ante notario entre as persoas inscritas no Rexistro cuxas solicitudes se axustaban ás características destas vivendas protexidas.
Estas 58 vivendas de protección autonómica (VPA) son de réxime xeral, polo que están destinadas a persoas, familias ou unidades convivenciais cuns ingresos anuais ponderados de ata 5,5 veces o Indicador Público de Renda de Efectos Múltiples (IPREM), é dicir, 32.943,9 €.
As 39 vivendas están situadas na Travesía Fonte da Cruz-Costa do Castro. Dous delas teñen un dormitorio e unha superficie de entre 40 e 48 metros cadrados, outras 28 vivendas teñen dous dormitorios e entre 51 e 73 metros cadrados, e as outras 9 vivendas teñen tres dormitorios e unha superficie de entre 83 e 90 metros cadrados. Todas contan con praza de garaxe e rocho. O prezo de venda oscila entre 62.398 € e 131.787 €.
Por outra banda, das 14 vivendas de Lugo, 10 están situadas na unidade de actuación número 18 parcela I-K (Teixo), e as outras 4 na rúa Atalaya esquina Rei Chiquito. Estas vivendas teñen 2 e 3 dormitorios, unha superficie de entre 60 e 89,50 metros cadrados e todas teñen praza de garaxe e rocho. O prezo de venda oscila entre 88.249 € e 127.312 euros.
En canto ás 5 vivendas de Sarria, están situadas na rúa Prolongación Escolar. Son vivendas de 3 dormitorios e unha superficie de 90 metros cadrados, todas contan con praza de garaxe e rocho. O prezo de venda oscila entre 90.000 € e 108.000 €.
Lista de adxudicatarios provisionais e lista de espera
Os sorteos celebráronse ante notario na Delegación Provincial da Consellería de Vivenda e Solo en Lugo, e co resultado confeccionáronse as correspondentes listas provisionais de adxudicatarios e listas de espera para cada unha das promocións de vivendas. Estas listas poden consultarse desde hoxe no taboleiro de anuncios da Delegación Provincial e na páxina web da Consellería (www.conselleriavivenda.xunta.es).
A Delegación Provincial remitirá aos adxudicatarios provisionais unha carta certificada comunicándolles o resultado do sorteo, e a partir de aí disporán dun prazo de 15 días para presentar a documentación que acredite que cumpren os requisitos de demandantes de vivenda de protección autonómica (VPA). Esa documentación consiste na acreditación da composición da unidade familiar, a autorización para que a Consellería solicite as acreditacións relativas a ingresos e débedas, unha certificación do rexistro da propiedade que acredite que o adxudicatario non dispón de ningunha outra vivenda en propiedade, e o carné de familia numerosa ou o certificado de mobilidade reducida, no caso de darse algunha destas circunstancias.
Recibirán axudas directas da Consellería de Vivenda e Solo aqueles adxudicatarios con ingresos anuais ponderados de ata 3,5 veces o IPREM, é dicir, 20.964 €. O importe das axudas varía en función da renda dos solicitantes e das circunstancias persoais, por exemplo, os mozos menores de 35 anos reciben unha axuda mínima de 13.100 euros e teñen acceso a préstamos con tipos de xuro preferentes e subsidiados, de tal xeito que un mozo con ingresos de ata 1.200 euros mensuais recibe 82 euros ao ano por cada 10.000 € de préstamo, e se os seus ingresos están entre os 1.200 e os 1.680 € ao mes recibe 48 € anuais por cada 10.000 € de préstamo. Así, un mozo que solicite un préstamo hipotecario de 80.000 € recibirá durante os 10 primeiros anos ata 656 € anuais a fondo perdido en concepto de subsidiación.
Transparencia na adxudicación
O Rexistro Único de Demandantes de Vivenda Protexida entrou en vigor en febreiro de 2007 e os seus obxectivos son tres: transparentar a adxudicación da vivenda protexida cofinanciada con fondos públicos, coñecer a demanda de vivenda protexida, e evitar calquera fraude na compravenda destas vivendas. Nese sentido, o Rexistro funciona como unha ferramenta de planificación útil tanto para os cidadáns, como para a Administración e os promotores privados. Por unha banda, para os cidadáns que buscan unha vivenda protexida, porque é a propia Administración a que se encarga de incluílos en sucesivos sorteos de vivendas protexida que coincidan coa súa demanda ata que apareza a vivenda que se acomode ás súas necesidades.
Tamén é unha ferramenta útil para a Administración, tanto para a Consellería de Vivenda e Solo como para os Concellos, porque dará unha información detallada de onde se demanda vivenda a prezo taxado e que tipo de vivenda. E, por último, tamén é unha ferramenta útil para os promotores porque coñecerán a demanda real en cada municipio, o que lle permitirá minimizar os riscos do seu investimento.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
