BURELA .- A responsable de medio ambiente do concello de Burela, Lucía Bouza, programou múltiples actos e actividades con motivo da denominada Semana da Mobilidade que se inicia o martes e remata o 22 de setembro coincidindo coa celebración do Dia Europeo sen Coches. Están programados actos pra menores e adultos coa colaboración de persoal municipal.
Nota de Prensa
BURELA ACOLLE DESDE MAÑÁ INFINIDADE DE ACTOS DENTRO DA SEMANA DA MOVILIDADE QUE CULMINARÁ O LUNS 22 DE SETEMBRO CO CELEBRACIÓN DO DÍA EUROPEO SEN COCHES.
Burela, 15 de setembro de 2008. A Concellaría de Medio Ambiente de Burela organizou infinidade de actos dentro da semana da movilidade que darán comenzo mañá martes 16 de setembro.
Mañá haberá unha campaña de recollida de suxerencias para mellorar a movilidade. Será no exterior da Casa da Cultura de 10 da mañá a 2 da tarde, e segundo explica a edil, Lucía Bouza, <todos os viandantes que participen e resposten ás preguntas que alí lles faremos recibirán coma agasallo un podómetro>.
A xornada do mércores 17 estará adicada aos máis pequenos e haberá xogos populares e de mesa realizados polas monitoras de Gaia na Praza da Mariña de 4 a 7 da tarde.
Os días 18 e 19 desenvolveráse unha actividade denominada Paseando ao colexio <un grupo de alumnos irá camiñando ao colexio. As monitoras de Gaia recolleranos ás 9 nove da mañá ás portas do colexio irán andando ata a Praza do Concello e despois retornarán ao centro. Terán que fixarse nos temas de movilidade, o que cren que está ben e as cousas que se poden cambiar ou mellorar e deberán reflexionar sobre o mellor medio de transporte para ir ao colexio>, segue a contar Lucía Bouza. O día 18 participarán nesta actividade os alumnos de 4º de ESO do Virxe do Carmen e o 19 serán os seus compañeiros do Vista Alegre os que realicen o mesmo percorrido.
E o día 19 (o venres) tamén haberá un plenario no Concello sobre a movilidade sostible. Lucía Bouza asegura que <no salón de plenos estaremos o alcalde, Alfredo Llano, o concelleiro de Obras e Servizos, Pascual Domenech e unha servidora para tratar de atender a todos aqueles que estean preocupados pola mellora de movilidade sostible. Imos escoitar as súas opinión e estudar o que se pode cambiar. É un acto destinado a todo o público>.
O sábado 20 de setembro estarán cortadas ao tráfico rodado durante todo o día as rúas Emilio Pardo Bazán, Rosalía de Castro e Eijo Garay. As monitoras de Gaia realizarán unha maqueta para educación vial en Eijo Garay de 4 a 6 da tarde. Durante a xornada a Banda Municipal de Música de Burela realizará un pasarrúas por esa zona que foi cortada ao tráfico rodado e ás 6 da tarde na Praza do Concello a Burela Blues Band realizará un ensaio público. Lucía Bouza engade que <os hosteleiros queren acompañarnos nesta semana da movilidade e os venres e o sábado haberá unhas xornadas gastronómicas da lingua e da orella>.
O domingo 21 de setembro na Praza do Concello realizaráse un mosaico co logotipo da semana da movilidade. Será de 11 da mañá a 4 da tarde e a partires das 6 da tarde haberá unha chocolatada gratuita na Praza da Mariña.
E xa o luns 22 de setembro (día europeo sen coches) en Burela haberá un circuito pechado para bicicletas, patíns, monopatíns, triciclos….. para todos os vehículos que non teñan motor. Será de 4 a 7 da tarde nas rúas Pardo Bazán e Castelado que estarán pechadas ao tráfico nese tramo horario.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
