BURELA .- O pleno que se celebrará o xoves 25 de setembro no Concello de Burela daralle o visto bo ao convenio coa Xunta para as obras de dotación de herba artificial ao campo de terra da Marosa. A tenente de alcalde e delegada de Deportes, Neves Cando, considera que “damos así un paso máis para acadar o compromiso que adquirimos desde o BNG, ao facernos cargo desta delegación, para dotar ao noso pobo dunhas instalacións deportivas axeitadas e completas para a práctica do fútbol”.
A edil nacionalista asegura que “hai uns días que nos reunimos coa directiva e co adestrador do noso equipo de fútbol, a SD Burela para amosarlles o proxecto definitivo das obras e todos coincidimos na importancia que terá para a práctica do fútbol tanto por parte dos pequenos coma dos maiores, posto que supón poder contar con outro campo de herba ademais do que xa existe dentro do propio recinto da Marosa”. Neves Cando lembra que
O proxecto suporá unha actuación nos 7.153 metros cadrados cos que conta ese campo “trátase de dar maior funcionalidade e comodidade a xogadores e espectadores cun espazo máis amplo e mellor dotado. Faise unha redimensión do campo (hoxe de terra) para adaptalo ás medidas dun campo regulamentario e dótalo de herba sintética reposicionable e do equipamento básico para peche, banquiños, porterías… Con esta actuación conseguimos un campo de fútbol 11 ao longo e de dous campos de fútbol 7 ao ancho”, segue a explicar a concelleira de Deportes.
Investimento de 636.000 euros
O investimento total ascende a 636.339 euros dos que a Dirección Xeral para o Deporte aporta 561.275 e os 99.000 restantes ponos o Concello de Burela. Neves Cando recalca que “é unha aposta da delegación de Deportes para esta obra que suporá máis de 15 millóns das antigas pesetas o que amosa unha vez máis o noso compromiso co deporte de Burela”.
Despois da aprobación do convenio en pleno éntrase na fase de licitación e execución das obras que levará directamente a Consellería de Cultura de Deporte. O prazo de execución é de 6 meses polo que “cando comece a nova tempada no 2009 en Burela xa teremos unha nova infraestrutura deportiva con este campo de herba artificial da Marosa”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
