Actos vandálicos consentidos nas noites de verán

A MARIÑA .- Esta fin de sema tocoulle a Foz, denunciao publicamente a asociación de veciños O Castro, e fai uns días foi no Monte Castelo en Burela. En Foz romperon mobiliario e mutilaron a imaxe de un arao. A pasada sema en Burela sacáronlle un altavoz a orquestra que animaba a festa e agrediron a unha persoa que actuaba. Isto que se saiba. Entre tanto, as autoridades e os representantes de entidades que deberían ser responsables parece que como medida máis inmediata esperan ao ano que ven a ver si vai mellor. O exemplo máis próximo de estes efectos está na romería do Santiago en Sargadelos, Cervo.
No caso de Foz a asociación de veciños O Castro pide “a todas as persoas que presencien os actos vandálicos e destrutivos para que interpoñan a correspondente denuncia” e “insta ás Autoridades que correspondan a que se tomen as medidas oportunas para evitar que estes feitos se repitan o menos posible”.

Nota de Prensa

AVV “O Castro” Foz

Á vista dos actos vandálicos que se produciron na zona do Paseo Marítimo, desde a Asociación de Veciños “O Castro” de Foz queremos instar á cidadanía, tanto de habitantes como visitantes, a que disfruten das noites de verán pero sempre desde o civismo e respectando tanto ás demais persoas coma ó mobiliario urbano e instalacións diversas. A Asociación de Veciños “O Castro” quere recordar que o mobiliario urbano e outras instalación que se atopan en toda a vila están postas a disposición dos cidadáns para un uso correcto, coherente e civilizado, e entendemos que a persoa que coida eses obxectos non só está respectando ós demais senón tamén a ela mesma, xa que o uso axeitado das instalacións permite que todos nos beneficiemos delas.

Desde a Asociación queremos facer un chamamento a todas as persoas que presencien os actos vandálicos e destructivos para que interpoñan a correspondente denuncia antes as Autoridades competentes, xa que entendemos que deste modo lograrase que esas accións non queden impunes e os autores sufran as consecuencias de xeito directo.

Por último, a Asociación de Veciños “O Castro” insta ás Autoridades que correspondan a que se tomen as medidas oportunas para evitar que estes feitos se repitan o menos posible.

Fátima Rodríguez Moreda

Presidenta

AVV “O Castro” Foz