BARREIROS .- Nun acto celebrado na “CP-0610” representantes do PP lucense puxeron en dubida a actuación da Deputación e reivindicaron que se acometan obras para facer un vial costeiro en barreiros. O responsable provincial do grupo provincial do PP, Xosé Manuel Barreiro, pide que “os responsables da Deputación, principiando polo seu Presidente” diga “si se vai facer a obra ou non” a obra e afirmou que “ten xa adxudicado un tramo dende hai preto de ano e medio, que foi licitado en case 1,1 millóns de euros”.
Acompañaron a Xosé Manuel Barreiro, o alcalde de Barreiros Alfonso Fuente Parga; o voceiro popular en Ribadeo José Carlos Rodríguez Andina, os deputados provinciais pola Mariña José María González Barcia, José Manuel Yanes Ginzo e Guillermo Leal, o deputado autonómico José Manuel Balseiro e a senadora María del Carmen Gueimunde.
Nota de Prensa
BARREIRO ASEGURA QUE A DEPUTACIÓN NON PODE XUSTIFICAR A DEMORA NA CONSTRUCCIÓN DO VIAL LITORAL DE BARREIROS
* O voceiro do GPPP lembrou que un dos tramos desta estrada está adxudicado dende hai un ano e medio e que a tramitación dos outros está moi avanzada
* Alfonso Fuente considera que calquera modificación do actual trazado iría en contra da autonomía municipal
Barreiros, 8 de agosto de 2008.- O voceiro do GPPP, Xosé Manuel Barreiro, manifestou hoxe en Barreiros que a Deputación tenta xustificar o inxustificable cando fala de revisar o trazado do vial litoral neste concello. Un vial que, segundo salientou, permitiría solucionar os graves problemas de tráfico existentes na actualidade na zona e que contribuiría de xeito salientable a mellorar a comunicación coa praia das Catedrais.
Barreiro fixo esta valoración durante unha rolda de prensa celebrada na CP-0610 na que estivo acompañado polo alcalde de Barreiros Alfonso Fuente Parga; o voceiro popular en Ribadeo José Carlos Rodríguez Andina, os deputados provinciais pola Mariña José María González Barcia, José Manuel Yanes Ginzo e Guillermo Leal, o deputado autonómico José Manuel Balseiro e a senadora María del Carmen Gueimunde.
O voceiro do GPPP explicou de xeito detallado o punto no que se atopa o proxecto de contrucción do vial litoral. Así, segundo dixo, tén xa adxudicado un tramo dende hai preto de ano e medio, que foi licitado en case 1,1 millóns de euros. Os outros tramos contan con proxectos e pliegos de condicións aprobados e está aberto o expediente de licitación desde xuño do ano pasado.
En base a estes datos, o voceiro popular asegurou que “a Deputación manipula a realidade cando fala de que só había compromisos”. “O que tén que facer a Deputación”, engadiu, “é executar a obra adxudicada e continuar os procedementos administrativos no resto dos tramos sen máis dilación e sen buscar escusas”.
Ó entender do voceiro do GPPP, a pretensión dos responsables da Deputación de xustificar a paralización da obra está fora de lugar. “Ademais chega tarde porque os alcaldes de Barreiros e Ribadeo e as propias corporacións locais no seu conxunto a través de acordos plenarios, solicitaron da Deputación que se fixese este vial e se arranxase o acceso á praia de As Catedrais”, indicou.
Barreiro insistiu e que “non é de recibo que se xustifique o retraso co anuncio dunha pretendida modificación do vial, na que ademais non se concreta nada nin se confirma a sua execución”.
“O que teñen que dicir os responsables da Deputación, principiando polo seu Presidente, é se se vai facer a obra ou non”, engadiu.
O voceiro popular lembrou as distintas iniciativas e propostas feitas polo seu grupo, e destacou que todas elas, ás que hai que engadir incluso a proposta realizada polo alcalde de Ribadeo recentemente, recibiron a negativa de Besteiro e eso, dixo, “pese a que despois presume de coñecer e admirar o litoral lucense”.
José Manuel Barreiro requeriu da Deputación “un compromiso serio con esta obra e con esta comarca porque é un investimento necesario e urxente nunha zona que é, ademais, un emblema turístico da provincia”.
A DEPUTACIÓN VENDE FUME.-
Pola súa banda, o alcalde de Barreiros, Alfonso Fuente, manifestou que o cambio de trazado “é fume porque eso suporía a forzosa modificación das normas subsidiarias, co que a nova estrada demoraríase, cando menos, catro catro anos mais”.
Fuente Parga salientou que as expropiacions están en marcha, “tal e como se pode comprobar nun anuncio publicado na prensa do 6 de setembro do ano pasado”. Un feito que o levou a asegurar que “o proceder da Administración provincial é un ataque directo á autonomía municipal”, ó entender que a Deputación quere modificar o planeamento urbanístico do concello de Barreiros no que, puntualizou, “non tén competencia algunha”.
O rexidor de Barreiros tamén se referiu á sinalización das estradas da Deputación de acceso ás praias, todas cun límite de 20 Tm. Un tope que, segundo explicou, impide o subministro axeitado ás empresas de hostelería da zona, a meirande parte delas de carácter familiar, e dificulta a recollida do leite e o subministro ás explotacións agrogandeiras.
Fuente Parga manifestou que Martínez, o deputado delegado de Vías e Obras, “pechouse en banda e négase incluso a dialogar e chegar a un acordo neste asunto”.
ACCESOS Á PRAIA DAS CATEDRAIS.-
Pola súa banda voceiro do PP de Ribadeo, José Carlos Rodríguez Andina, solicitou que a Deputación non esqueza a Ribadeo, e que, ademais de facer o vial litoral aludido, “que tamén beneficia a Ribadeo”, acometa “dunha vez” as melloras que procedan no vial CP-0610, que dá acceso á praia de As Catedrais.
Tanto Fuente Parga coma Rodríguez Andina amosáronse esperanzados en que se produza “un cambio” na política da Deputación porque, segundo recalcaron, “estase a marxinar non só ós veciños de Barreiros e Ribadeo, senón a todos aqueles que se acercan a estes dous concellos e que contribúen a potenciar a economía da comarca”.
Os populares coincidiron en sinalar “o nulo compromiso que os deputados socialistas pola Marina Lara Méndez e Melchor Roel, así coma o nacionalista Antonio, Veiga teñen coa comarca” e lembraron que nos seus concellos din unha cousa e na Deputaciónm “ou calan ou din outra totalmente distinta”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
