BURELA .- O sábado 23 de agosto comenza en Burela o I Curso de Música de Cámara de Orquestra, que organiza a Concellaría de Educación. O evento que se prolongará ata o 27 está dirixido por Xan Carballal, o director da Escola Municipal de Música de Burela e contará con profesores de recoñecido prestixio coma Saúl Canosa (profesor superior de clarinete), Benjamín Iglesias (profesor superior de trompa), Manuel Gayol (profesor de violín), Olaia Canoura (profesora superior de violín) e Anxo Leitao (profesor superior de contrabaixo).
A edil de Educación, Lucía Bouza, explica que “despois do seminario de jazz que tivemos hai unhas semanas agora organizamos éste que por primeira vez se vai celebrar en Burela, porque nos parecen moi importantes as ensinanzas orquestrais e porque cremos que as ensinanzas regradas carecen un pouco deste tipo de formación, xa que os alumnos reciben uns coñecementos máis individualizados. Entón os rapaces que participen no curso terán a oportunidade de tocar en conxunto en grupos de cámara que estarán adaptados aos niveis dos participantes”.
Bouza agarda “unha grande participación neste curso debido ao asentamento que a música clásica ten na comarca da Mariña grazas a labor realizada nas escolas de música, nos conservatorios profesionais e sobor de todo grazas ao traballo que ven facendo desde hai anos a Orquestra de Cámara de Xove”.
Ao igual que aconteceu co seminario de jazz, neste curso vánse celebrar tres concertos que serán ás oito da tarde na Casa da Cultura: o domingo 24, o martes 26 e o mércores 27. Éste último será o que ofrecerán conxuntamente alumnos e profesores.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
