BURELA.- O grupo municipal do PP anuncia que no pleno de hoxe perguntará ao alcalde polo investimento en protección civil, concretamente se “cedeu ante a Deputación na reivindicación dun parque de bombeiros compartido por Cervo e Burela”. Tamén se interesa polos trámites realizados para a creación dun parque empresarial.
NOTA DE PRENSA DO GRUPO MUNICIPAL DO PARTIDO POPULAR
O GMPP pregunta polo investimento en materia de protección civil.
Considera que o alcalde cedeu ante a Deputación na reivindicación dun parque de bombeiros compartido por Cervo e Burela.
Tamén se interesa polos trámites realizados para a creación do parque empresarial.
O GMPP de Burela formula no pleno ordinario de hoxe varias preguntas, moitas delas vinculadas co incendio sufrido o pasado martes.
En primeiro lugar, o PP quere solidarizarse coas persoas afectadas polo sinistro, e poñerse á súa disposición para o que estimen oportuno.
Igualmente, o PP quere mostrar o máximo respecto ó traballo do servicio de Protección Civil do concello de Burela, da Garda Civil, e do Servicio de Protección Civil de Cervo.
En segundo lugar, o PP non esquece que hai componentes políticos que cómpre que se aclaren. Para o PP, é obrigado lembrar que durante a etapa de goberno do PP no concello de Burela, creouse a agrupación de protección civil, se puxeron en marcha o GMIR e o GRUMIR, mercouse material para o servicio de protección civil e tamén se mercou o vehículo contraincendios actual. Pois ben, cada vez que había un sinistro, chovían as críticas para o PP tanto por parte do PSOE coma por parte do BNG.
Pasado algo máis dun ano de bigoberno en Burela, o PP non vai poñer en tela de xuizo o traballo de protección civil. O que poñemos en tela de xuizo é o traballo do alcalde, como máximo responsable en materia de protección civil.
Por eso queremos saber canto se investiu en 2007 e en 2008, descontado o vehículo contraincendios, que foi adquirido polo PP, en materia de protección civil. Tamén queremos saber cal é a postura do alcalde ante a posibilidade de crear un parque de bombeiros compartido por Burela e Cervo, que era o plantexamento do goberno municipal do PP e do goberno da Xunta do PP. O GMPP lembra que o alcalde “achantou” na visita oficial do presidente da Deputación a Burela, e non foi capaz de reivindicar o parque de bombeiros compartido, porque sinxelamente dixéronlle que nin o mencionase.
Ademais, e en materia de persoal, o PP desexa saber se, tal e como se facía anteriormente, o persoal do GMIR tén feito prácticas de manexo e coñecemento do material do que dispón o servicio de protección civil e cal é a distribución do persoal para dar a cobertura vintecatro horas que se require nun concello coma Burela.
Pero ademais neste pleno o PP pregunta polos trámites feitos e documentados para sacar adiante o parque empresarial de Burela, ante a impresión xeneralizada de que nos marcan o paso desde fóra, e de que non se fai nada.
Por último, o PP quere saber se se presentou algunha alegación ó Plano Director de Portos Deportivos da Xunta de Galicia, xa que, ante un asunto tan importante, o grupo maiorítario da corporación municipal, o PP, non recibiu ningún tipo de información. O PP lembra que este Plano tén o seu horizonte de concreción en 2020, co que Burela posiblemente verá con moito retraso o porto deportivo, que conta cun estudio de viabilidade que se presentou no concello e en público en abril de 2005, e que a Xunta bipartita tén gardado nun caixón.
En Burela, a trinta e un de Xullo de dous mil oito.
O Grupo Municipal do Partido Popular de Burela.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
