BARREIROS.- Antonio Veiga, voceiro do BNG no Concello de Barreiros, e responsable do Área de Cultura e Deportes da Deputación subliña que “o BNG cumpre tanto no Concello de Barreiros coma nas consellerías ou noutras institucións nas que goberna” e recorda que hai unha partida destinada o “abastecemento de gas ao polígono industrial”. Veiga tamén indica que desde a Deputación “xa hai dúas semanas que se licitou a compra dos camións nodriza para a extinción de incendios” para a posta en marcha do parque comarcal de bombeiros.
Nota de Prensa
O BNG cumpre
O nacionalista Antonio Veiga di que <o BNG cumpre tanto no Concello de Barreiros coma nas consellerías ou noutras institucións nas que goberna. Cuprimos e seguiremos cumprindo independentemente de cal sexa a cor política do alcalde de turno>. O voceiro do BNG apunta ao abastecemento de gas ao polígono industrial coma un dos compromisos realizados <hai xa unha partida adxudicada para eso, algo que lles virá moi ben a todas as empresas que se asenten nesa importante zona. E tamén cumprimos na adxucación das novas vivendas sociais, eso sí, cuns criterios moi claros advertíndolle a todo o mundo que estas casas son para ocupar, que van ter un seguimento e que son para persoas que realmente as necesitan, non como se fixo en anteriores ocasións onde as concesións de vivendas sociais ían parar a moita xente para alugar e a persoas que non as necesitaban. Desde logo que desde a Consellería de Vivenda iso non se vai permitir>.
Antonio Veiga, voceiro do BNG no Concello de Barreiros, e responsable do Área de Cultura e Deportes da Deputación suliña que a institución provincial tamén cumpre con este municipio coa posta en marcha do parque comarcal de bombeiros <xa que hai dúas semanas que se licitou a compra dos camións nodriza para a extinción de incendios, pero agora o Concello terá que darse celeridade e presentarlle á Deputación a documentación que amose que por fin ese edificio é legal e tamén terá que facilitar eses accesos que hai tempo que se están a xestionar e terá que adecuar esa rede de abastecemento….. esa conexión ao parque de bombeiros coa suficiente potencia para abastecer aos camións de extincións de incendios>.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
