No rexistro de entrada do Concello foron contabilizadas 1.157 alegacións ao Plan Xeral de Ordenación Municipal presentadas durante os tres meses de exposición pública do documento. O alcalde, Fernando Suárez, di que <se trata dun número importante>, pero lembra que a empresa redactora lles comentou que <nos concellos nos que se fan plans xerais é normal e previsible que entorno ao 10% da poboación presente alegacións. Si en Ribadeo temos 10.000 habitantes digamos que estamos neses parámetros axustados de participación veciñal>.
O 60% das 1.157 alegaciones foron presentadas por veciños da zona rural e o 40% restante polos da zona urbana. O rexidor conta que <na zona rural moitas alegacións pretenden que se corrixan erros no sentido de recoñecer vivendas de máis de cincuenta anos con esa categoría que no plan non estaban recollidas correctamente. Tamén hai un número importante de alegacións que persiguen ampliacións dos núcleos tanto dos orixinais coma dos de expansión e logo tamén hai, ainda que en menor medida, alegacións que pretenden reducir o ámbito de núcleo para sacar de alí as explotacións agrarias existentes por motivos de futuras ampliacións….. que non estean condicionadas por si esas explotacións están dentro dun núcleo rural>.
En canto á zona urbana de Ribadeo, Fernando Suárez apunta que <moitas das alegacións presentadas persiguen que onde o plan plantexa solo urbano non consolidado sexa catalogado como solo urbano consolidado, e tamén hai un número importante en ámbitos do solo urbano consolidado onde o PXOM propón a ampliación dunha rúa, xa que hai moita xente que non ve esas posibilidades con bós ollos. Hai tamén algunha alegación da zona industrial e da zona de costa>.
O alcalde de Ribadeo asegura que son 1.157 alegacións nas que moitas son concurrentes <poido constatar que hai unha presentada por unha comunidade de veciños que perseguindo o mesmo obxectivo plantexan unhas 100 alegacións coa mesma iniciativa. Éste é só un exemplo, pero hai máis>.
Fernando Suárez asegura que se trata <do resultado dun traballo de participación do pobo durante tres meses e esto hai que destacalo. A última experiencia que temos de aprobación inicial dun PXOM data do ano 2001 (ainda que despois non saiu adiante) momento no que en dous meses de exposición pública se rexistraron un milleiro de alegacións. Nós agora en tres meses andamos tamén por esa cifra>.
Máis consenso
O alcalde de Ribadeo asegura que <o PXOM que se aprobou de xeito inicial entre todos os grupos políticos con representación no Concello déulle a oportunidade ao pobo de poder enriquecer e mellorar ese documento coas súas aportacións. O pobo tivo tres meses para falar e fíxoo e hoxe máis que nunca proseguiremos adiante co esquema de traballo previsto>. Suárez Barcia engade que <agora temos que entre todos os membros da Corporación ir estudiando todas as alegacións, e a empresa EPTISA terá que facer informes de viabilidade ou non de todas elas para logo acadar un consenso no Concello. Ainda que a lei só fala de maioría absoluta para a aprobación provisional do PXOM sería bó superar esa barreira para chegar ao máximo consenso posible entre todos. Eso sería o óptimo, pero logo xa se verá o que acontece>.
Despois da aprobación provisional no pleno do Concello de Ribadeo o PXOM será enviado á Consellería de Política Territorial que nun prazo de tres meses deberá decir si aproba ou non o documento si o desaproba ou si o aproba con condicionantes. O alcalde considera que <é un longo camiño que tentaremos reducir a pesares do verán. Xa falamos coa empresa redactora para que siga a traballar en agosto no estudio de todas alegacións presentadas>.
Fernando Suárez di que <hoxe é un bó día para a democracia en Ribadeo e para a participación veciñal no marco da elaboración dun PXOM>.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
