Ribadeo, 29 de abril de 2017. Libros Lar editou a publicación As covas do rei Cintolo, na que se recolle de forma facsimilar un libro de Daniel Cortezón, do ano 1956, e un cómic de Suso Peña, as dúas obras co mesmo título. A presentación celebrarase este vindeiro venres, día 5 de maio, ás 20:15 horas na Casa das Letras, de Ribadeo. No acto intervirán o editor, Manuel López; o cronista oficial de Mondoñedo, Antonio Reigosa; o concelleiro de Cultura de Ribadeo, Farruco Graña; e a deputada provincial responsable da Área de Cultura, María Pilar García Porto. Tamén asistirán as viúvas dos ribadenses Daniel Cortezón e Suso Peña, Mati e Carmucha.
O editor explicou que “a publicación consiste en reunir nun único volume dúas obras de dúas persoas coas que me uniu unha fonda amizade por moito tempo e que á súa vez eran moi amigas entre elas: Daniel Cortezón e Suso Peña. A primeira novela de Daniel Cortezón, As covas do rei Cintolo, que publicou Editorial Galaxia no ano 1956, levaba esgotada desde pouco tempo despois e grazas ás xestións que fixo a súa viúva, Mati, Editorial Galaxia permitiunos facer unha reprodución facsimilar para reeditar esta obra. Por outra parte Suso Peña tiña un breve cómic de 8 páxinas, que se titulaba La cueva del rey Cintolo porque estaba escrita en castelán, e pareceunos oportuno reunir estas dúas obras nun só libro”.
Manuel López engadiu que esta publicación “contén dúas partes: unha primeira, máis extensa, que reproduce a obra de Daniel de forma facsimil, ou sexa exactamente coa mesma tipografía coa que publicou Editorial Galaxia; e a continuación reprodúcese o cómic A cova do rei Cintolo, porque o traducimos ao galego. Probablemente é o último cómic que debuxou Suso e foi unha colaboración que lle pediron para unha revista de cómic que se chamaba Comix, da editorial Toutain. Incluso creamos unha tipografía, que lle chamamos familiarmente Suso Peña, para reproducir os textos en galego coa letra orixinal de Suso que se emprega nos bocadillos do cómic”.
O editor comentou tamén que “a empresa Gráficas Lar para ter a capacidade de facer determinadas iniciativas editoriais puxemos en marcha Libros Lar e esta publicación faise ao amparo do noso selo editorial. E quero mencionar o apoio da Deputación Provincial porque dunha tiraxe de 500 exemplares a Deputación fíxonos un pedido de 200 libros, o que reverte en que o resto, que se colocan á venda nas librerías, se poñan a un prezo bastante popular, que son 10 euros cada exemplar”.
E Mati González manifestou: “pienso que sería un orgullo enorme para Daniel y para Suso estar juntos en un libro, con lo amigos que eran, y encima editado por otro gran amigo de ellos, como es Manolo. Es una pena que no puedan disfrutarlo en vida pero supongo que alguna onda les llegará”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
