Foz, 26 de maio de 2014. O alcalde de Foz, Javier Jorge Castiñeira, participou este luns na inauguración das novas instalacións da biblioteca do CEIP Fondo Nois, obra na que traballaron operarios do Concello.
“Quedamos tremendamente satisfeitos todos os que participamos, tanto o Concello como o equipo directivo do centro, personalizado neste caso polo seu director, Benito García, ademais da asociación de nais e pais de alumnos e as asociacións de veciños de Cangas e de Nois, que dende hai un tempo estamos traballando de forma coordinada para que se vaia mellorando ese colexio. No día de hoxe tocoulle á biblioteca, que quedou preciosa. Nesta obra participaron traballadores municipais, tanto no cambio de chan como no pintado, cambio de paramentos e lucido”, explicou o rexedor municipal, quen tamén destacou que “o equipo directivo e os profesores do centro están facendo un traballo fenomenal”.
Javier Castiñeira engadiu que esta actuación “entra dentro da dinámica de pequenas obras que se están facendo nese centro educativo” e lembrou “a dotación de cuberta para o patio, pois neste colexio non estaba cuberto e nesta zona, onde chove bastante, era necesario. Aí a Xunta de Galicia, a través da Consellería de Educación, investiu 70.000 euros nunha obra que foi moi importante e que lle deu un aspecto moi bo ao patio deste colexio. Ademais houbo outras obras no centro, como o pintado do exterior que se fixo o ano pasado e tamén arranxos no comedor”.
O alcalde rematou comentando que “estamos contentos porque entre todos se está facendo que un centro como o de Nois estea activo e dinámico; e iso é traballo de todos, pero fundamentalmente da comunidade educativa, dos profesores e do equipo directivo do centro, ao que quero felicitar”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
