A Deputación de Lugo conmemora un ano máis os Días Internacionais da Árbore e da Auga, tras o éxito acadado coa convocatoria do pasado ano. Case 10.000 rapaces de 96 centros escolares lucenses participarán en diversas actividades que se desenvolverán de xeito simultáneo en toda a provincia os días 21 e 22 de marzo.
A Deputada de Medio Ambiente, Sonsoles López Izquierdo, presentou esta mañá o programa de actividades organizadas nos centros escolares da provincia para estes días. Os preto de 10.000 rapaces participantes deste ano superan amplamente ós 4.000 que tomaron parte na anterior convocatoria, feito que amosa a estupenda acollida que entre profesores e alumnos acadaron iniciativas coma a lectura simultánea du libro ou a plantación de árbores. Nesta liña, Sonsoles López Izquierdo subliñou o interese espertado por estas actividades: “tendo en conta os bos resultados obtidos o pasado ano, nesta ocasión ampliamos os nosos obxectivos e os centros da provincia respostaron con moito entusiasmo”.
A conmemoración dos Días da Auga e da Árbore, organizada con fondos propios da institución provincial, pretende “que os nosos rapaces sexan conscientes dende pequenos da necesidade de preservar o medio ambiente, comezando polo seu hábitat máis próximo, como son as Reservas da Biosfera de Terras do Miño e Ancares. Estamos convencidos de que esta é unha obriga que temos dende as institucións”, destacou a Deputada. Se o ano pasado foi a de Terras do Miño, nesta ocasión é a Reserva de Ancares e montes de Navia, Cervantes e Becerreá a homenaxeada, continuando así as actividades de concienciación que a institución provincial organiza para nenos e maiores de xeito habitual.
Actos das xornadas
O Día da Árbore celébrase a nivel mundial o 21 de marzo e o da Auga, o 22, e as actividades desenvolveranse ambos días. O día 21, os alumnos darán lectura ó libro de contos Viaxe polos ríos e árbores dos Ancares, elaborado en papel reciclado ó igual que o resto de material empregado, e que nestes días xa se está a repartir polos centros. O libro conta a historia de Pituca, unha pita de monte que viaxa polas terras dos Ancares e vai atopando autores que lle contan pequenos contos relacionados coa xeografía e a natureza da zona. Estes microrrelatos son obra dos escritores Paco Martín, Helena Villar Janeiro, Marica Campo, Agustín Fernández Paz, María Reimóndez, Santiago Jaureguizar, Carmen Blanco, Xabier P. Docampo e Carlos G. Reigosa.
De xeito paralelo a estas actividades propostas, os profesores contan coa Guía do profesorado, na que figura unha unidade didáctica que lles será moi útil á hora de organizar outro tipo de actividades nas aulas, coma xogos, manualidades ou experimentos para complementar a xornada.
O día 22 será o momento de plantar unha árbore. Se o ano pasado foron carballos –dos que a día de hoxe sobrevive e medra preto do 70%-, este ano a Deputación fará entrega de 100 bidueiros ós que os rapaces lle poñerán un nome elixido por sorteo entre todos os que eles mesmos propoñan. Finalmente, ás 12:00 horas, os alumnos plantarán e regarán por primeira vez a súa árbore. Coma peche da xornada, darán lectura do conto que escollan.
Invitación a todos os colexios
A Deputación quixo que esta xornada fose o máis participativa posible, polo que se invitou a todos os colexios públicos lucenses a través dunha carta dirixida ós directores. A resposta foi positiva por parte de 96 centros -85 CEIP (Centros de Educación Infantil e Primaria), 8 CPI (Centro Público Integrado), 1 CEP (Centro de Educación Primaria) e 2 CEE (Centro de Educación Especial)-, de 64 Concellos, 44 dos cales participan por vez primeira:
– A Mariña (24): CEIP Castro de Ouro de Alfoz; os CEIP San Miguel de Reinante e San Cosme, de Barreiros; os CEIP Plurilingüe Vista Alegre e Virxe do Carme, de Burela; os CEIP Nº1 e o CEIP de Cervo; os CEIP Cantel, Fondo Nois e Nº1, de Foz; o CEIP Juan Rey, de Lourenzá; o Álvaro Cunqueiro de Mondoñedo; o CEIP de Muras; o Plurilingüe da Pontenova; o Gregorio Sanz de Ribadeo; o CEIP de Riotorto; o CEIP Santa María do Valadouro; o CEIP do Vicedo; os CEIP de Covas, Antonio Pedrosa Latas, Plurilingüe Santa Rita e o CEP Luis Tobío, de Viveiro; o CEIP Pedro Caselles Rollán de Xove e o CEIP Celso Currás de Trabada.
– Zona Sur (23): CEIP Rosalía de Castro de Bóveda; CEIP Xosé Luis Taboada de Carballedo; os CEIP Eloísa Rivadulla e Xoán de Requeixo de Chantada; o Uxío Novoneyra do Courel; o CEIP Ricardo Gasset do Incio; o CEIP A Gándara e o CEIP Monforte de Lemos xunto co CEE Infanta Elena, de Monforte; o CEIP de Pobra de Brollón; o CEIP de Currelos, do Saviñao; o CEIP Virxe do Carme de Sober; CEIP Monte Baliño de Pantón; e o CEIP San Tomé do Carballo de Taboada.
– Lugo (21): CEIP de Castroverde; CEIP Plurilingüe do Corgo; CPI Dr. López Suárez de Friol; CEIP Laverde Ruiz, de Outeiro de Rei; CEIP Virxe da Luz de Portomarín; CEIP Otero Pedrayo de Rábade; os CEIP Illa Verde, Anexa, A Ponte, Sagrado Corazón, Menéndez Pelayo, Paradai, As Mercedes, Quiroga Ballesteros, Rosalía de Castro, Virxe da Soidade, Manuel Mallo, Albeiros e Casás, xunto co CEE Santa María, de Lugo; e o CEIP de Lousada, de Guntín.
– Terra Chá (17): CEIP Aquilino Iglesia Alvariño, de Abadín; os CEIP Ramón Falcón e Veleiro-Docampo de Castro de Rei; o CEIP de Muimenta; os CEIP Plurilingüe Lagostelle e o Santo Estevo de Parga de Guitiriz; o CEIP O Salvador e o CEIP de Bretoña, da Pastoriza; os CEIP Antonio Insua Bermúdez e o Monseivane de Vilalba; o CEIP de Xermade e o CEIP de Baamonde de Begonte.
– A Ulloa (3): o CEIP de Antas de Ulla; o CEIP de Monterroso e o CEIP de Palas de Rei.
– A Montaña (8): CEIP Concepción López Rey de Baleira; CPI Luis Díaz Moreno de Baralla; CEIP San Xoán de Becerreá; o CEIP Ponte de Doiras e o CPI de Cervantes; o CEIP Santa María da Fonsagrada; o CEIP das Nogais e o CPI Uxío Novoneyra de Pedrafita do Cebreiro.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
